Asmara (Dawan)- Baaqa dowladaha Masar iyo Soomaaliya ee kulankii Asmara, 10-ka Oktoobar, 2024
Anagoo ah Madaxweynaha Jamhuuriyadda Carabta ee Masar iyo Madaxweynaha Jamhuuriyadda Federaalka Soomaaliya, waxaan ku kulannay magaalada Asmara ee caasimadda dalka Ereteriya 10-kii Oktoobar 2024, waxaana ku heshiinnay qodobbada soo socda:-
1-In la xaqiijiyo midnimada, madax-bannaanida iyo wadajirka dhamaan dhulka Jamhuuriyadda Federaalka Soomaaliya, lana diido tallaabooyinka hal dhinac ah ee halista ku ah midnimada iyo madax-bannaanida dowladnimo.
2- Horumarinta xoojinta wada shaqaynta iyo isku xirka labada dal ee Masar iyo Soomaaliya si kor loogu qaado awoodda dowladnimada Soomaaliya heerarkeeda kala duwan si loo waajaho caqabadaha gudaha iyo dibaddaba. In ciidanka Qaranka Soomaaliyeed la gaarsiiyo awoodda ay uga hortegi karaan argagixisada noocyadeeda kala duwan iyo ilaalinta soohdimaha berriga, badda iyo midnimada dhulka.
3- Soo dhaweynta go’aankii Golaha Ammaanka ee tirsigiisu ahaa 2714 (2023) ee Soomaaliya looga qaaday cunaqabateynta hubka. Waxaa la bogaadiyay hogaaminta madaxweyne Xasan Sheekh ee dhisidda ciidamada Qaranka Soomaaliyeed iyada oo la xoojinayo awooddooda si ay u hantaan sugidda amniga dalka oo dhan iyo ilaalinta kheyraadkiisa.
4- Bogaadinta bayaankii kasoo baxay Golaha Ammaanka iyo Nabadda ee Midowga Afrika ee ku saabsanaa diyaargarowga amni ee muddada ka dambaysa howlgalka Midowga Afrika ee ku meel gaarka ah ee Soomaaliya (ATMIS) iyo billaabida Howlgalka Taageerada Xasilinta Midowga Afrika Soomaaliya (AUSSOM), iyadoo la raacayo qorshaha Soomaaliya ee ka tarjumaya baahiyaheeda iyo arrimaha mudnaanta u leh wejiga xiga ee dadaallada lagula dagaallamayo argagixisada, iyadoo xoogga la saarayo xuquuqda Soomaaliya ay u leedahay in ay go’aamiso hannaanka, hawlaha iyo waqtiga howlgalka iyada oo lala kaashanyo Guddiga Midowga Afrika, waxaana lasoo dhaweeyay ka qaybqaadashada Masar ciidamada howlgalka AUSSOM.
5- Taageeridda baaqa Jamhuuriyadda Federaalka Soomaaliya ee ku aaddan saaxiibbada caalamka in ay bixiyaan dhaqaalaha lagama maarmaanka u ah howlgalka cusub ee Midowga Afrika ee Soomaaliya, iyadoo xoogga la saarayo taageerada caalamiga ah ee dadaalka Soomaaliya iyo Afrikaanka ah ee lagu xaqiijinayo amniga iyo xasilloonida Soomaaliya kaas oo looga golleeyahay xoojinta amniga gobolka iyo kan caalamiga ah . Iyada oo arrintan lag duulayo waxaa la xoojiyay muhiimadda ay leedahay in howlgalka Afrika uu taageero dadaallada Soomaaliya ee ku aaddan dhisidda iyo xoojinta awoodda hay’adaha dowladda, si la mid ah dadaallada howlgalka ee ciidamada iyo amniga, iyadoo la ballan-qaadayo taageerada dhammaan hay’adaha dowladda, lana waafajinayo arrimaha mudnaanta u leh dowladda Soomaaliya .
6 – In Soomaaliya loo ballan qaaday in loo fidin doono dhammaan garab istaagga ay u baahantahay mudda xileedkeeda kursiga aan joogtada ahay ee Golaha Ammaanka ee 2025-2026, maadaama ay matalayso qaaradda Afrika.
7- Xoojinta iskaashiga iyo kawadatashiga labada geesoodka ah ee arrimaha khuseeya caqabadaha gobolka, caalamka iyo arrimaha danta guud
