Muqdisho (Dawan)- Wasiiru dowladaha Wasaaradda Arrimaha Dibadda Soomaaliya, Cali Cumar “Cali Balcad” ayaa caddeeyay mowqifka ay Soomaaliya ka qabto in Kenya ay safiir u mfacaawdo Somaliland.
Cali Balcad ayaa yiri ” Muqdisho ayaa ah caasimadda Soomaaliya, Kenyana waxay ku leedahay safaarad”
Asoo hadalkiisa sii wata ayuu raaciyay in Kenya u magcaabi karto qunsuliyadeeda Hargeysa, Qunsul cusub iyada oo loosoo marayo aqbalaadda Muqdisho.
Wasiirka ayaa sidoo kale caddeeyay in Kenya ay furatay Qunsuliyadeeda Hargeysa sannadkii 2019-kii iyadoo ogolaansho ka heshay dowladda Soomaaliya.
Hadalka Cali Balcad ayaa yimid, kadib markii Madaxweynaha dalka Kenya William Ruto uu labo Safiir u soo kala magacaabay Somaliland iyo Soomaaliya, kadib markii Golaha Wasiirada dalkaas ay sameeyeen isku shaandheyn iyo magacaabista safiirada in ka badan soddon dal.
Ruto ayaa Cabdiweli Maxamed Xuseen u magacaabay safiirka Kenya u fadhin doona Somaliland, halka Kiringo Kubia usoo magacaabay safiirka Kenya u qaabilsan Soomaaliya.
Xiriirka diblomaasiyadeed ee Kenya iyo Soomaaliya ayaa hadda ah mid xooggan, halka dowladdii hore ee Madaxweyne Farmaajo uu jiray mugdi iyo xurguf siyaasadeed, taas oo keentay in ay Kenya xoogga saarto xiriirka ay la leedahay Somaliland.
Somaliland ayaa baadi goob ugu jirtay in ay aqoonsi ka hesho caalamka in ka badan 30 sano, waxeyna ku guuleysatay in ay qabato doorashooyin kala duwan kuwaaas oo ay ku dooneysay in ay caalamka uga hesho in loo aqoonsado dowlad ka madax bannaan Soomaaliya.
11 sano ayaa laga joogaa markii dowladdii ku meelgaarka ahayd ee Soomaaliya iyo Somaliland uu dhexmaray wada hadalkii ugu horeeyay kadib ku dhawaaqistii gooni isku taaga Somaliland oo hada laga joogo 32 sano.
Dhowr isku day oo ay dowladda Soomaaliya ku dooneesay midnimo kale mudadaas ma jirto wax natiijo ah oo laga gaaray midowga Somaliland iyo Soomaaliya.
Somaliland ayaa dhawaan caddeysay mowqifka nuuca wada hadal ee ay le geleyso Soomaaliya, iyada oo meesha ka saartay qorshaha ah in laga wada hadal midnimo.
Hadalkaan ayaa daba socday kadib markii Madaxweynaha Uganda, Yoweri Kaguta Museveni uu sheegay inuusan taageereynin qorshaha ay Somaliland ku dooneyso in ay uga go’do Soomaaliya.
