Jabuuti (Dawan)- Dalka Jabuuti, waxaa maanta ka billaawday imtixaanaadka dugsiyada Hoose iyo Dhaxe iyada oo ay fadhiisteen arday kor u dhaafaysa 12 kun.
Sida ay sheegtay Wasaaradda Waxbarashada Jabuuti, 46 goobood ayaa looga dareeray imtixaanaadka, waxaana ka mid ah ardayda ka qayb galeysa imtixaanka dugsiyada Hoose iyo Dhaxe ardayda ku jirta xeryaha qaxootiga ee dalkaas.
Gobollada Jabuuti oo idil ayuu ka dhacaya imtixaaanka basle ardayda ugu badan ee imtixaanka galayasa waxa ay socdaan magaalada caasimada ah ee Jabuuti, waxeyna gaarayaan 8 kun iyo 759 arday.
Dhanka kale, mas’uuliyiin ka tirsan Wasaaradda Waxbarshada Jabuuti ayaa kormeer ku tagay goobaha ay ardaydu ku galayaan imtixaanaadka iyo Agaasinka waxbarshada ee imtixaanaadka, si loo hubiyo habsami u socodka howlaha imtixaanka.
