Muqdisho (Dawan)- Madaxweyne Xasan Sheekh Maxamuud ayaa magacaabay Labo La-Taliye Sare kuwaas oo la sheegay inay kaalin weyn ka qaadan doonaan hirgelinta qorsheyaasha muhiimka u ah dowladnimada, Dimuqraadiyadda, iyo Federaalka.
Madaxweynaha ayaa u magacaabay, Axmed Jaamac Maxamed Cillal in uu noqdo La-Taliyaha Sare ee Arrimaha Dimuqraadiyadda iyo Dowlad Wanaaga, halka Cabdisamad Maxamed Gallan uu u magacaabay La-Taliyaha Sare ee Arrimaha Federaalka.
Sida lagu sheegay qoraal kasoo baxay Villa Somalia, Labadan Lataliye ayaa leh khibrad sare iyo waayo-aragnimo ku saabsan dowlad wanaagga iyo Federaalka, waxaana Madaxweynuhu kula kula dardaarmay in ay si hufan uga soo baxaan shaqada ay ka sugayaan shacabka iyo dowladda Soomaaliyeed.
