Muqdisho (Dawan)- Golaha Wasiirrada Soomaaliya oo caawa yeeshay shir deg-deg ah ayaa ansixiyay 12 safiir oo cusub iyo laba qunsul. Lama shaacin dalalka loo magacaabay safiiradan la meelmariyay.
Magacyada safiirada iyo labada qunsul
1. Ibraahim Cumar Sheegow – Safiir
2. Sheekhnuur Maxamed Xasan – Safiir
3. Jaamac Xasan Khaliif – Safiir
4. Dr. Cabdulkhaadir A. Xaashi – Safiir
5. Fardowsa Maxamed Qanyare – Safiir
6. Faysal Axmed Salaad – Safiir
7. Abiib Muuse Faarax – Safiir
8. Dr. Hodan Cismaan Cabdi – Safiir
9. Ilyaas Cali Xasan – Safiir
10. Dr. Sakhawadiin Mustaf Maxamed – Safiir
11. Maxamed Abuukar Zubeer – Safiir
12. Cabdinuur Daahir Fiidow – Safiir
13. Cabdiweli Xirsi Cabdulle (Indhaguran) – Qunsul Guud
14. Cabdikariin Axmed Maxamed – Qunsul Guud
Golaha Wasiirrada Soomaaliya ayaa sidaan oo kale ansixiyay 10 Safiir bishii February ee sannadkan, iyada oo loo kala diray dalalka Soomaaliya ay la leedahay xiriirka Diblomaasiyadeed.
Golaha ayaa sidoo kale ku dhawaaqay in lacag Nus Milyan Dollar ah ay Xukuumaddu u qoondeysay ku taageeridda dadka waxyeelladu ka soo gaartay qaraxii dhawaaan ka dhacay xeebta Liido, iyada oo Ra’iisul Wasaaruhu mushaarkiisa bishaan uu u jaray gurmadka dadka waxyeelladu soo gaartay, halka dhammaan xubnaha Golaha Wasiirradana ay mushaharaadkooda qayb ka mid ah ugu deeqeen dadkaas.
“Lacagtan ayaa loogu talagalay in lagu taageero dhaawacyada iyo dib-u-dhiska nolosha dadka ay dhibaatadu soo gaartay weerarkaasi bahalnimo ee lagu xasuuqay shacab aan waxba galabsan”. yaa lagu yiri; qoraal kasoo baxay xukuumadda
Qoraalka ayaa intaas ku daray in Xukuumaddu qaadday tallaabooyin lagu xaqiijinayo sugidda amniga shacabka
