Washington (Dawan)- Musharraxa xisbiga Jamhuuriga ee Donald Trump oo khudbad ka jeediyay xarunta ololihiisa doorashada ayaa sheegtay inuu ku guuleystay doorashada madaxtinimo, inkasta oo weli ay socdaan tirinta codadka.
Trump waxa uu helay codad gaaraya 267 oo ka mid ah 538 ka cod ee go’aamiya qofka noqonaya madaxweynaha halka ay Kamala Harris oo heshay ilaa iyo hadda 224 cod.
Nuxurka Khudbadda Trump ayaa ahaa;
- Dadka Maraykanku waxay na doorteen mar labaad, waxaana dib usoo ceshanay aqlabiyaddii Congress-ka
- Waxaan guuleysanay guul taariikhi ah
- Mar kale ayaan America ka dhigi doonaa mid awood badan
- Waxaan dambiilayaasha ka xiri doona xuduudaha
- Tani waa guul siyaasadeed oo aan horay uga dhicin waddankeena
- Waxaan samayn doona shaqo abuur iyo dib u habeynta dhaqaalaha dalka, waxaana dhimi doona canshuuraha.
- Guushaydu waxay ku timid wada ogol siyaasadeed
- Waxaa la joogaa waqtigii la midoobi lahaa ee ma aha in la kala qaybsanaado.
- Ma qaadi doono dagaal cusub, balse waxaan dhamayn doona kuwa socda