Wajeer (Dawan)- Ismaamulka Wajeer ayaa si rasmi ah u daahfurtay mashruuc waddo cusub oo laami ah , taas oo mari doonta xaafadaha Bulla Jogoo, Barwaaqo, Hodhan, Shelltey, Wagberi, iyo Xalane, iyadoo dhererkeedu yahay 15.2 kilometer.
Waddadan ayaa qeyb ka ah mashruuca wax-ka-beddelka bilicda magaalada, ujeedkiisuna yahay hagaajinta waddooyinka Ismaamulka Wajeer aan wanaagsaneyn.
Mashruucan waxaa sidoo kale ku jira rakibaadda biyo-mareennada iyo nalalka waddooyinka.
Mashruucaan ayaa lagu dhawaaqay xilli wafdi ka socda Hay’adda Waddooyinka Magaalooyinka Kenya (KURA) ay booqdeen Wajeer si ay ugu dhawaaqaan dhismaha 65 kiiloomitir oo waddo laami ah oo dheeri ah.
Dhisidda waddooyinkan cusub ayaa Wajeer ka dhigaysa magaalada ugu horreysa ee gobolka Waqooyi Bari oo leh 100.7 kilometer waddo laami ah. Intii u dhaxeysay 2014 iyo 2017, Ismaamulka Wajeer ayaa dhammaystiray 33 kilometer oo waddooyin laami ah.
