Muqdisho waxaa maanta xaflad sagootin ah logu sameeyay 228 askari oo boolis ah ah kuwaas oo mudda hal sano ah Soomaaliya ka shaqeynayay.
Askartaan oo ka tirsanaa Howlgalka Midowga Afrika ee Soomaaliya (AUSSOM). ayaa ka kala yimid dalalka Ghana, Uganda, Kenya, Sierra Leone, Nigeria, iyo Zambia, iyagoo talo iyo tababar siiyay Booliska Soomaaliya si loo hubiyo in ay helaan xirfado cusub oo ay ku wajahaan caqabadaha amni ee dalka ka jira.
Xafladda waxaa ka qeyb galay madax sare oo ay ka mid yihiin Kusimaha Madaxa AUSSOM, Sivuyile Bam, Taliyaha Ciidanka Booliiska Soomaaliyeed, AIGP Hillary Sao Kanu, Taliyaha Guud ee AUSSOM, Lt. Gen. Sam Kavuma, iyo saraakiil booliis oo kale.
Sivuyile Bam ayaa bogaadiyay dadaalka iyo xilkasnimada ay muujiyeen askartan inta ay ku sugnaayeen dalka, isaga oo sheegay in ay door muuqda ka qaateen kor u qaadista tayada booliiska Soomaaliyeed, dhisidda kalsoonida shacabka iyo xoojinta nabadgelyada.
Dhankiisa, Taliye Hillary Sao Kanu ayaa tilmaamay in IPO-yadu ay gacan weyn ka geysteen horumarinta kaabayaasha booliiska iyo sare u qaadista xirfadda saraakiisha Soomaaliyeed, iyaga oo qabtay tababbarro iyo aqoon kororsi la xiriira howlaha booliiska casriga ah.
