Itoobiya ayaa ku dhawaaqday inay u tartamayso xubinnimada Golaha Nabadda iyo Amniga ee Midowga Afrika (AU-PSC) muddada 2025-2027, iyadoo hiigsaneysa inay kor u qaaddo kaalinteeda nabadda iyo amniga qaaradda. Wasiirka Arrimaha Dibadda ee Itoobiya, Gedion Timothewos, ayaa shaaciyay arrintan intii uu la kulmayay safiirrada Afrika ee ku sugan Addis Ababa, isagoo ka codsaday taageeradooda. Itoobiya, oo door muhiim ah ku leh taariikhda xoreynta Afrika, waxay dooneysaa inay xoojiso kaalinteeda iyadoo gacan ka geysanaysa hirgelinta ajendaha horumarinta Afrika ee 2063 iyo dardargelinta iskaashiga qaaradeed.
