Saturday, April 5, 2025
Array

Guutada HANQADH ee Jubaland oo tababar loo soo xiray

Guutada HANQADH ee ka tirsan Ciidanka Nabad Sugidda iyo Sirdoonka Jubaland ayaa si rasmi ah loogu soo xiray tababar ay ku qaadanayeen Dugsiga Tababarka Ciidanka Nabadsugidda Jubaland. Jubalanad ayaa sheegtay in Cutubkan cusub ayaa loogu talagalay howlgalada khaaska ah, iyadoo la filayo inay door muuqda ka qaataan dagaalka ka dhanka ah kooxda al-shabaab.

HANQADH ayaa ah guuto si gaar ah loogu tababaray uruurinta xogaha sirdoonka, baaritaanada qarsoon iyo weerarada qorshaysan ee ka dhanka ah bartilmaameedyada Al-shabaab. Saraakiisha ammaanka ayaa sheegaya in cutubkani uu durba saameyn muuqata ku yeeshay furimaha hore ee dagaalka, gaar ahaan deegaannada ay Jubaland ka ka wado dagaalka ka dhanka ah Al-shabaab.

Dowladda Jubaland ayaa sheegtay in cutubkan uu qeyb ka yahay qorshe ballaaran oo lagu xoojinayo sugidda amniga gobolka. Taliska ciidamada ayaa hoosta ka xarriiqay in la sii wadi doono tababarrada iyo diyaarinta unugyo kale oo la mid ah kuwa HANQADH.

Share this article

Recent posts

LEAVE A REPLY

Please enter your comment!
Please enter your name here