Dekedda Berbera ayaa waxaa soo gaadhay shixnaddii shidaal ee ugu weynayd abid ee halkaas ku soo xirata, taasoo calaamad u ah horumar weyn oo lagu xoojinayo silsiladda sahayda tamarta ee gobolka iyo kaalinta ganacsi ee dekeddu ku leedahay.
Shixnaddan oo ay keentay shirkadda Horn Petroleum ayaa lagu shubay Haamaha Kaydka ee East Africa Storage Terminal — labada shirkadoodna waxay ka tirsan yihiin Shirkadaha Dahabshiil Group. Hawlgalkan isuduwidda leh ayaa loo arkaa guul istaraatiiji ah oo dekeddu u horseedday, maadaama ay sii xoojinayso kaalinta Berbera ee xarunta ganacsi ee Geeska Afrika.
Markabkan oo siday ku dhawaad 50,000 mitir oo sddex jibaaran oo shidaal ah ayaa la filayaa inuu daboolo baahida gudaha iyo tan guud ee Geeska Afrika. Soo dejintaan ballaaran waxay Berbera ka dhigaysaa meel muhiim ah oo lagu kalsoonaan karo, isla markaana kor u qaadaysa awoodda dekedda ee ka qaybgalka ganacsiga gobolka.
Dahabshiil Group, oo ah shirkad ka howl gasha deegaanada Soomaalida, ayaa tallaabadan ku muujinaysa ballaarinta istaraatiijiyadda shirkadeed ee dhinaca tamarta iyo kaabayaasha dhaqaalaha. Maalgashiga lagu sameeyay awoodda kaydinta ee East Africa Storage Terminal ayaa muujinaya diyaarinta magaalada ee qaabilaadda shixnado waaweyn, yareynta ciriiriga saadka, iyo hubinta in shidaalka si joogto ah loo heli karo.
Dekedda Berbera oo sii xoojinaysa kaalinteeda ganacsi, shixnaddan ayaa noqon karta tusaale lagu daydo oo ku saabsan sida mustaqbalka looga hirgelin karo ganacsiga badweynta ee mugga weyn leh Geeska Afrika.
