Dowladda Soomaaliya ayaa sheegtay in 72-dii Saac ee lasoo dhaafay al-shabaab ay ka dileen xubno aad u badan oo ay horjoogayaal ku jiraan.
Wasiirka Gaashaandhiga Soomaaliya Axmed Macalin Fiqi ayaa war-saxaafadeed,ku sheegay in Ciidanka Xoogga Dalka, Ciidanka Nabad sugiga iyo kuwa deegaanka ay 72-dii saac ee lasoo dhaafay howlgalo kala duwan ku dileen 120xubnood oo al shabaab katirsan.
“ Guud ahaan 72-dii saac ee lasoo dhaafay kooxaha qawaarikhta dhibaato xoog leh ayaa la gaarsiiyay, wax kabadan 120 caanaasirtoota kamida ayaa halkaas ku nafwaayay”Axmed macalin Fiqi wasiirka Gaashaandhiga
Wasiirka ayaa sheegay in dukheymo laga fuliyay xalay jubadda-hoose ,lagu dilay 30 xubnood oo alshabaab katirsanaa, halka qaar kalana uu sheegay in ciidanka ay gacanta ku dhigeen.
Axmed macalin Fiqi waxa uu war-saxaafadeedkiisa ku sheegay in gacanta ciidanka nabad sugida uu ku baxay,xubin muhiim u ahaa al-shabaab, kaas oo u qaabilsanaa madaafiicda magaalada muqdisho lagu soo tuuro .
Wasiirka gaashaandhiga waxa uu sheegay in haataan uu dagaal ka socda deegaano udhaxeeya gobolada hiiraan iyo shabeelada dhaxe, halkaas oo alshabaab lagala wareegay deegaanadii ay kaga sugnaayeen.
Wasiirka ayaa ugu danbeen udiray qaar kamida xubnaha mucaaradka ah , kuwaas oo uu uga digay in ay joojiyaan hadaladda niyad jabka ku ah ciidamada dagaalka kula jira alshabaab.
