Barjala, Soomaaliya – Ciidanka Xoogga Dalka ayaa sheegay in howlgal qorsheysan oo ay fuliyeen Ciidanka Danab, oo garab ka helaya ciidamada Jubbaland, ay duleedka Barjala ee gobolka Jubbada Hoose xalay 21-kii May 2025 ku dileen in ka badan 48 dagaallamayaal oo ka tirsanaa Al-Shabaab iyo qabashada hub fara badan.
Warbaahinta Ciidamada Qalabka Sida ayaa sheegtay in howlgalka si xeeladaysan loo fuliyay, taasoo lagu burburiyay fariisimo istaraatiiji ah oo ay Al-Shabaab ku lahaayeen deegaanka Barjala, kuwaasoo muhiim u ahaa isku xirnaanta iyo dhaq-dhaqaaqyada kooxda.
“Intii uu socday howlgalka, waxaa la dilay in ka badan 48 xubnood oo ka tirsanaa Khawaarijta, halka labo kalena ay ciidamada nolosha ku qabteen,” ayaa lagu yiri qoraalka ka soo baxay warbaahinta Ciidamada Qalabka Sida.
Sidoo kale, ciidamada ayaa sheegay in ay gacanta ku dhigay hub fara badan oo ay ka mid yihiin qoryaha Dhashiikaha (BKM), qoryaha AK-47 iyo agabyo kale oo muhiim u ahaa kooxda.
Howlgalkaan ayaa imanaya iyadoo dhawaanahanba ay howlgallo ka dhan ah Alshabaab ay ka socdeen deegaanada Jubbaland, gaar ahaan Jubbada Hoose, kuwaas oo ay fulinayeen ciidamada dowladda iyo kuwa Jubbaland oo iskaashanaya.
, oo gacan ka helaya ciidamada Jubbaland, ayaa sheegay inay burburiyeen saldhigyo muhiim ah oo Al-Shabaab ku lahayd Jubbada Hoose, iyagoo dilay in ka badan 48 dagaalame. Howlgalka ayaa qeyb ka ah dadaallada lagu xoreynayo dhulka kooxda.){kind=link}