Dood cilmiyeed lagu lafa-gurayay guulaha barnaamijka isbeddelka ee Megabit 24 iyo jihooyinka mustaqbalka ee Xisbiga Barwaaqo ayaa ka qabsoontay magaalada Jigjiga. Doodda ayaa waxaa kasoo qaybgalay Madaxweynaha Dowlad Deegaanka Soomaalida , Mustafe Muxummed Cumar, masuuliyiin sare oo ka tirsan xukuumadda, odayaal dhaqameed iyo wakiillo ka socda ururada bulshada.
24 bisha Megabit waa bil ka mid ah bilaha taariiikh tirsiga Itoobiya waxayna ku beegan 2 april Maalintan waxaa laga xusaa Itoobiya, maalinta isbeddelka iyo dib-u-habaynta, gaar ahaan waxay muhiim u tahay Dawlad Deegaanka Soomaalida maadaama ay tahay maalintii uu Mustafe Muxummed Cumar loo magacaabay madaxweynaha deegaanka sanadkii 2018.
Madaxweynaha DDS Mustafe Muxummed Cumar ayaa si qoto dheer uga hadlay horumarka la gaaray mudadii isbeddelka Megabit 24, isagoo carabka ku adkeeyay in xukuumaddu ay ku guuleysatay dhismaha hay’adaha dawliga ah, horumarinta adeegyada bulshada, iyo xoojinta amniga deegaanka.
Sidoo kale, Madaxa Xafiiska Xisbiga Barwaaqo ee Soomaalida, Inj. Maxammed Shaale, iyo Madaxa Arrimaha Siyaasadda ee Xisbiga, C/raxman Axmed Xasan, ayaa si wadajir ah u iftiimiyay jihooyinka cusub ee uu xisbiga xoogga saarayo. Qodobbadaas waxaa kamid ahaa dhismaha xisbi adag, horumarinta dhaqaalaha, xaqiijinta cadaaladda, iyo abuuridda taariikh qaran oo ay bulshada oo dhan wada leedahay.
Odayaal dhaqameedkii kasoo qaybgalay doodda ayaa sheegay in isbeddelka deegaanka ka dhacay uu horseeday horumar la taaban karo, balse ay muhiim tahay in la joogteeyo isla markaana si dhab ah loo faafiyo guulahaas.
 ee Itoobiya iyo jihooyinka mustaqbalka ee horumarka, amniga, iyo kobaca dhaqaalaha deegaanka.){kind=link}