Muqdisho, Soomaaliya – Ugu yaraan lix qof ayaa ku dhaawacmay markii hoobiyayaal lagu weeraray laba xaafadood oo ku yaal caasimadda Muqdisho, saakay, sida ay xaqiijiyeen mas’uuliyiin amniga ah.
Ali Axmed, oo ka tirsan mas’uuliyiinta amniga degmada Shibis, ayaa la hadlay Anadolu isagoo sheegay in degmada Warta Nabada iyo Bondhere lala beegsaday weerarada Hoobiyayaasha, taasoo keentay in ugu yaraan lix qof ay ku dhaawacmaan. Laba ka mid ah dadka dhaawacma oo kala ah macallin dugsi iyo haweeney da’ ah la soo gaarsiiyay isbitaal iyadoo ay dhaawacyadoodu yihiin kuwo halis ah.
“Ma garanayno bartilmaameedka dhabta ah, laakiin madaxtooyada ayaa ku taalla degmada Warta Nabada, taasoo ka mid ah meelaha ay hoobiyadu ku dhaceen,” ayuu yiri Cali Axmed.
Waxaa sidoo kale la sheegay in ciidanka amniga Soomaaliyeed ay goobta gaareen oo ay xayiraad saareen dhaqdhaqaaqa aagga, waxaana socda baaritaan lagu ogaanayo nooca hoobiyayaasha loo adeegsaday weerarka.
Illaa hadda weli cidna ma sheegan mas’uuliyadda weerarkan, inkastoo Al-Shabaab ay horey u sheegatay mas’uuliyadda weerarrada noocan ah. Ma ahan markii u horreysay ee xaafadaha Muqdisho lagu garaaco hoobiyayaal; 20-kii Maarso 2025 ayeey ahayd markii u danmbeysay ee tiro hoobiyayaal ah lagu garaacay garoonka Aadan Cadde ee magaalada Muqdisho.
