Jowhar (Dawan) – Guddiga Madaxa Bannaan ee Doorashooyinka Qaranka iyo Soohdimaha (GMDQS) ayaa maanta si rasmi ah uga daah-furay diiwaangelinta codbixiyeyaasha Dowlad-goboleedka Hirshabeelle. Tani waxay qeyb ka tahay nidaamka doorashada ee qof iyo cod ah ee guddiga.
Munaasabadda furitaanka oo lagu qabtay magaalada Jowhar, oo ah caasimadda Hirshabeelle, ayaa waxaa ka qeyb galay Madaxweynaha Hirshabeelle, Cali Cabdullaahi Xuseen (Cali Guudlaawe), kaasoo si rasmi ah isu diiwaangeliyey. Madaxweynaha ayaa carrabka ku adkeeyey muhiimadda ay leedahay in muwaadiniintu ka qeyb qaataan hannaankan cusub ee dimuqraadiyadda.
“Bulshada Hirshabeelle maanta waxa ay heystaan fursadii ugu wanaagsaneyd, waxaan ku faraxsanahay inaan maanta u soo istaago xuquuqdeyda muwaadinimo.”ayuu yiri Cali Guudlaawe.
Xarunta laga furay Jowhar ayaa ah tii ugu horreysay ee laga hirgeliyo gudaha Hirshabeelle.
Jowhar ayaa noqotay maglaadii seddexaad ee uu ka bilowdo ololahan diiwaangelinta codbixiyeyaasha, iyadoo horay uga socotay Baydhabo, Dhuusamareeb, iyo Muqdisho.
 ayaa maanta si rasmi ah uga daah-furay diiwaangelinta codbixiyeyaasha Dowlad-goboleedka Hirshabeelle. Tani waxay qeyb ka tahay nidaamka doorashada ee qof iyo cod ah ee guddiga.){kind=link}