Muqdisho (Dawan) – Madasha Samatabixinta Soomaaliyeed ayaa digniin adag ka bixisay waxa ay ku tilmaantay isku day ay dowladda Madaxweyne Xasan Sheekh Maxamuud ku rabto in ay ku qabato doorasho, iyadoo adeegsanaysa cabsi-gelin iyo qori.
War-murtiyeed ay soo saareen ka dib kulan labo maalmood socday oo Muqdisho ka dhacay, ayay Madashu ku muujisay walaac ku aaddan xaaladda doorasho ee lagu wado in ay ka dhacdo Gobolka Banaadir, taas oo ay sheegeen inay wiiqi karto kalsoonida doorashooyinka dalka.
Qoraalka ayaa lagu yiri: Madashu waxay ka digaysaa halista ku geedaaman iyo natijada ka dhalan karta doorashada qoriga yo qafaalka ah ee uu maamulka Madaxweyne Xasan Sheekh ka wado Gobolka Banaadir,”
Madashu waxay carrabka ku adkaysay in doorasho kasta oo Soomaaliya ka dhacda lagu qaban karo oo keliya iyadoo la raacayo mabaadi’da sharciyadda, hufnaanta iyo caddaaladda. Waxay ku adkaysay inaan doorasho lagu kalsoonaan karin haddii ay ku salaysan tahay “xoog, ama qori.”
Madashu waxay sidoo kale ku eedeysay dowladda inay iska indha-tirtay dadaallada dib-u-maqaamka muqdisho iyada oo aan weli wax go’aan cad laga gaarin xaaladda caasimadda. “Madasha waxa ay ka digeysaa doorasahda maamulka Xasan uu ka wado gobolka banaadir iyadoo aan la ogayn Maqaamka Caasimadda, heshiisna lagu ahayn hanaanka, sharciga iyo guddiga doorashada.,” ayaa lagu yiri war-murtiyeedka.
Madasha Samatabixinta oo ay ku mideysan yihiin hoggaamiyeyaal mucaarad, balse ay qeyb ka mid ah ay dowladda heshiisyo la gashay kuwaas oo qaabeyhaayo hanaanka doorasho ee soo socda wali garabka kale ayaa ayana diidan hanaanka ay ku heshiiyeen xubnaha iyo dowladda.
