Muqdisho (Dawan) – Xildhibaan Cabdiraxmaan Cabdishakuur Warsame ayaa maanta laga mamnuucay ka qaybgalka kulammada Golaha Shacabka ee soo socda, kadib markii gudoonka golaha uu soo saaray go'aan uu ku sheegay in xildhibaanka uu ku xad-gudbay nidaamka iyo hab-dhaqanka golaha intii lagu guda jiray kulankii wadajirka ahaa ee labada aqal ee Golaha Shacabka 7-dii Febraayo 2026.
Gudoonka ayaa sheegay in go’aankan lagu soo rogay kadib markii xildhibaan Abdirahman uu ka qeyb qaatay dhacdo carqaladeyn ah oo ka dhacday kulanka, taasoo sababtay in Golaha Shacabka ay go’aansato in uu ka mamnuuco kulammada dambe.
Golaha Shacabka ayaa war-saxaafadeed ku sheegay in xildhibaan Cabdiraxmaan Cabdishakuur iyo shan xildhibaan oo kale laga mamnuucay 12 kulan oo kala duwan oo golaha ah.
