Guddoomiyaha Guddiga Midowga Afrika, Maxamuud Cali Yuusuf, ayaa Sabtidii soo dhaweeyey go’aanka Golaha Guud ee Qaramada Midoobay ee ku saabsan iskaashiga Midowga Afrika (AU) iyo Qaramada Midoobay (UN), kaas oo si buuxda loo ansixiyey intii lagu guda jiray kulankii 79aad ee Golaha Guud ee Qaramada Midoobay ee ka dhacay New York 29-kii Agoosto 2025.
Sida lagu sheegay qoraal kasoo baxay Midowga Afrika, Maxamuud ayaa ku tilmaamay go’aankani inuu yahay taageero xooggan oo loogu talagalay hoggaaminta Afrika iyo iskaashiga muhiimka ah ee ka dhexeeya UN iyo AU, taasoo qayb ka ah horumarinta nabadda, ammaanka, iyo horumarka waara ee qaaradda Afrika.
““Si wadajir ah, waxaan ballan-qaadkan u tarjumi doonnaa waxqabad la taaban karo oo wax u tara dadka Afrika oo gacan ka geysta xasilloonida caalamka.” ayuu Maxamuud sheegay,” ayuu yiri Guddoomiyaha sida lagu sheegay qoraalka.
Sidoo kale, Guddoomiyaha ayaa xaqiijiyey in Midowga Afrika uu si joogto ah u xoojin doono iskaashiga lala yeesho Qaramada Midoobay, si loo gaaro himilooyinka Afrika iyo horumar waara oo lagu gaari karo wadajir.
