Soomaaliya (Dawan) – Guddiga Doorashooyinka Qaranka ee Soomaaliya ayaa maanta ku dhawaaqay in doorashada qof iyo codka ah ee gobollada dalka ay dhici doonto bisha Abriil 2026. Guddoomiyaha Guddiga, Cabdikariin Axmed Xasan, ayaa sheegay in qorshayaasha diyaarinta doorashadu si rasmi ah u bilaabatay, isla markaana dadaallo lagu xaqiijinayo in doorashadu noqoto mid hufan, daahfuran, oo la isku halayn karo.
“Labada bilood ee soo socda, ugu dambeyntii bisha Abriil, waxaa la guda geli doonaa maalinta codaynta iyo doorashooyinka golaha deegaanka ee dowlad-goboleedyada,” ayuu yiri Guddoomiyaha.
Sidoo kale, Cabdikariin Axmed Xasan ayaa sheegay in diiwaangelinta codbixiyayaasha ee magaalooyinka Baydhabo, Jowhar, iyo Dhuusamareeb dib loo bilaabi doono si dadka aan weli diiwaangashan ay uga qeyb qaataan doorashada.
Guddoomiyaha ayaa intaa ku daray in kadib la tashiyo lala yeeshay madaxda maamul-goboleedyada, in 12 degmo oo cusub lagu dari doono liiska diiwaangelinta codbixiyayaasha, kuwaasoo ka tirsan Waqooyi Bari, Galmudug, Hirshabelle, iyo Koofur Galbeed.
