Soomaaliya, 4 Febraayo 2026 (Dawan)— Ra’iisul Wasaaraha Soomaaliya, Xamse Cabdi Barre, ayaa maanta oo Arbaco muujhiyay go'aanka xukuumadda ee dhammeystirka wax-ka-beddelka Dastuurka dalka ee 2012, isagoo diiday in la sii wado sharciyo uu ku tilmaamay kuwo duugoobay.
Arrintan ayuu ka sheegay munaasabadda uu xilka kula wareegay Taliyaha cusub ee ciidanka Ciidanka Xoogga Dalka Soomaaliyeed, taas oo ka dhacday Wasaaradda Gaashaandhigga ee Muqdisho.
Ra’iisul Wasaaruhu wuxuu si cad u xaqiijiyay in xukuumaddu aysan marnaba u dulqaadan doonin in dalka lagu sii hayo xeerarkii hore ee aan ku habboonayn xaaladaha cusub.
“Dastuurka aad ogtihiin waa in la dhammeystiro, xukuumaduna waxay diiday in la isku fadhiyo. Dalka wuxuu u baahan yahay in uu hore u socdo,” ayuu yiri Ra’iisul Wasaare Xamse Cabdi Barre, isagoo intaa ku daray in xukuumaddu ka go’an tahay in dalka laga dhaqaajiyo xaalad uu ku tilmaamay “iska sii fadhi” ah oo aan horumar keenin.
