Turkiga, 9 Febraayo 2026 (Dawan)– Soomaaliya ayaa maanta oo Isniin ah sheegtay in Turkiga uu soo gaarsiiyay diyaarado dagaal iyo qalab militari oo casri ah si uu u taageero howlgalada dalka ee ka dhanka ah dagaalka kooxda Al-Shabaab.
Wasiirka Cadaaladda iyo Arrimaha Dastuurka ee Soomaaliya, Xasan Macallin Maxamuud, ayaa u sheegay saxafiyiinta Ankara intii lagu guda jiray wadahadalka istaraatiijiyadda ee Turkiga iyo Afrika in soo gaarsiintan ay ku timid heshiiskii difaac ee 2024-kii dhex maray labada dal.
“Türkiye, oo u hoggaansameysa heshiiska, waxay qalabkii ugu dambeeyay iyo diyaarado dagaal u keentay Soomaaliya si ay ugula dagaallanto argagixisada,” ayuu yiri Wasiirka.
Xasan Macallin ayaa xaqiijiyay in shacabka Soomaaliyeed ay ku baraarugeen dhawaaqa diyaaradaha dagaalka ee ka yimid Turkiga, isagoo intaa ku daray in aragtida iyo maqalka diyaaradaha ay tahay horumar la dareemi karo.
