Muqdisho (Dawan)- Dowladda federaalka Soomaaliya ayaa Isniintii xaqiijisay in dhammaan gargaarkii bani’aadannimo ee laga saaray bakhaar ku yaalla dekedda Muqdisho, kaas oo saameyn ku yeeshay ballaarinta dekedda, si buuxda loogu wareejiyay Hay’adda Cunnada Adduunka (WFP.
"Agabka laga saaray bakhaarka si buuxda ayaa loogu celiyay Hay’adda Cunnada Adduunka,” ayay dowladdu ku sheegtay bayaan, iyadoo intaa ku dartay inay “si buuxda u qaadanayso mas’uuliyadda dhacdadan nasiib-darrada ah isla markaana ka xun tahay inay dhacdo.”
Dowladdu waxay sheegtay inay WFP siisay bakhaar ka weyn kana habboon kii hore, kuna yaalla gudaha aagga dekedda Muqdisho, si loo xoojiyo kaydinta iyo gaarsiinta gargaarka loona hubiyo in gargaarka bani’aadannimo uu si ammaan ah, joogto ah oo aan kala go’ lahayn u sii socdo,
