Khartoum (Dawan)– Dowladda Suudaan ayaa ku dhawaaqday inay si rasmi ah dib ugu soo laabatay ururka IGAD, kadib laba sano oo ay bannaanka ka joogtay wadashaqeynta iyo ka mid ahaansha ururuka.
Suudaan ayaa bishii Janaayo 2024, joojisay xubinimadeeda ururuka iyadoo ku eedeysay in ururku ku guul darreysatay inuu fuliyo go’aano horay loogu heshiiyay oo ku saabsanaa colaadda dalkaas ka taagan.
Wasaaradda Arrimaha Dibadda ee Suudaan ayaa war-saxaafadeed ku taariikheysan shalay basle maanta lasoo saaray ku adkeeysay in wadashaqeynta IGAD ay muhiim u tahay amniga iyo horumarka gobolka, islamarkaana dowladdu ay dib u soo celinayso ka qaybgalkeeda buuxa ee hawlaha iyo go’aanada ururka.
