Soomaaliya, 01 Febraayo 2026 (Dawan)- Booliska Soomaaliya ayaa xabsiga dhigay xalay laba TikTokers caan ah, kuwaas oo lagu eedeeyay kicinta dadweynaha iyo khatar gelinta ammaanka qaranka, sida uu xaqiijiyay Taliska Booliska Gobolka Banaadir.
Saldhigga Booliska Degmada Hodan ee Muqdisho ayaa xasbiga dhigay Mahad Maxamuud Xamarow, oo caan ka ah baraha bulshada loona yaqaan magaca “Garyaqaan,” iyo Yusuf Xasan Cali, oo loo yaqaan “Yuu Boss.”
Mas’uuliyiinta booliska ayaa sheegay in labadan nin lagu qabtay "kicin dadweyne iyo abuurista khalkhal amni," waxaana la filayaa in maxkamad ku habboon loo gudbiyo si loogu soo oogo dacwad rasmi ah.
