Muqdisho (Dawan)- Qodobada ugu waaweyn wararka dunida oo kooban waxaa ka mid ah:
Puntland
Gudoomiyaha Raas caseyr oo ah halka markabka lagu qabtay oo hadlay ayaa sheegay in hadii hubkaas uu yahay mid sharci dara ah u uku jiro gacan badbaado oo uu sheegay in ay Puntland ay tahay gacantaas, iyo hadii uu yahay deeq ay dunida ugu deeqday Soomaaliya, ayba Puntland sidaaan ku yeelatay, isaga oo sheegay in ay Puntland tahay Meesha looguy baahi badan yahay uu ka socdo dagaal lagula mid ka mid ah kooxaha dalka ka dagaalama oo ah Daacish.
Jabuuti
Madaxweynaha Jabuuti Ismaaciil Cumar Geelle iyo Xoghayaha Arrimaha Dibadda ee Mareykanka Marco Rubio ayaa Jimcihii khadka taleefanka ku yeeshay wada-hadal xooggan oo diiradda lagu saaray xoojinta iskaashiga labada dal iyo arrimaha amniga gobolka, sida lagu sheegay war-saxaafadeedyo rasmi ah oo labada dhinac soo saareen.
Suuriya
Ciidamada amniga ayaa la geeyay gudaha xuduudaha maamulka ee gobolka Suwayda ee Koonfurta Suuriya si loo hubiyo hirgelinta xabad joojinta loo sameeyay si loo soo afjaro dagaallada u dhexeeya qabiilooyinka Bedouin iyo kooxaha Druze.
Talyaaniga
Markabka cusub ee ka tirsan Xiriirka Freedom Flotilla, Handala, ayaa la filayaa inuu ka tago dekedda Gallipoli ee Talyaaniga maanta si uu ugu safro Gaza, iyadoo ujeedadu tahay jebinta xayiraadda sharci-darrada ah ee Israa’iil iyo gaarsiinta caawimaad bani’aadamnimo.
Japan
Japan ayaa qabaneysa doorashada sharci-dejinta ee 125 xubin oo ka tirsan aqalka sare. In ka badan 104 milyan oo qof ayaa ku diiwaangashan doorashada taasoo ka dhacaysa intii u dhaxeysay 7 subaxnimo iyo 8 fiidnimo, waqtiga maxalliga ah ee Jaban.
