Muqdisho (Dawan)- Khilaafka ku saabsan biyo-xireenka GERD ayaa si toos ah u saameeyay ammaanka Soomaaliya. Madaxweyne Xasan Sheekh ayaa ka qeyb galay xafladdii furitaanka biyo-xireenka, xilli Masar ay u dhowdahay inay ciidamo u dirto Muqdisho.
Warbixin cusub oo ey soo saartay Balqiis Insights ayaa ka digeysa in Soomaaliya ay isu rogi karto goob dagaal oo ka mid noqota loollanka u dhexeeya Masar iyo Itoobiya kuwanina waa qodobo ay muhiim tahay in aad ogaato
Ciidamada Masar ee Soomaaliya
- Masar ayaa qorsheyneysa inay ciidamo u dirto Soomaaliya kuwaas oo qayb ka ah istaraatiijiyad ay ku ballaarinayso saameynteeda Geeska Afrika, isla markaana ay kaga hortagto Itoobiya.
- Talaabadan waxa ay ku xiran tahay khilaafka Masar iyo Itoobiya ee biyaha Nile iyo biyo-xireenka GERD. Xiisaddii Soomaaliya iyo Itoobiya ee 2024 ayaa furtay fursad ay Masar uga soo muuqato xulafada amniga Soomaaliya.
- Iyada oo taageeraysa Soomaaliya, Masar waxay dooneysaa inay cadaadis ku saarto Itoobiya, ka xannibto saameynteeda gobolka, isla markaana xoojiso kaalinteeda ku aaddan ammaanka Badda Cas iyo Bab-el-Mandeb.
Doorka Milatari iyo Siyaasadeed
- Masar ayaa horey Soomaaliya ugu wareejisay hub culus (madfac iyo nidaamyo lidka diyaaradaha), waxayna markab hub ku raran geysay Muqdisho bishii September 2024.
- Saraakiisha Masaarida ayaa laga yaabaa inay adeegsadaan waayo-aragnimadooda dagaalka ka dhanka ah kooxaha hubeysan ee Siinaay si ay u tababaraan ciidamada Soomaaliya. Waxaa sidoo kale qorshaysan tababaro wadajir ah oo dhulka, cirka iyo badda ah.
- Masar waxay iska dhigeysaa inay tahay mid ka shaqeyneysa midnimada Carabta iyo Afrika.
Caqabadaha iyo Khataraha
- Masar ma laha khibrad dheer oo ku saabsan xaaladda dagaalka Soomaaliya marka loo eego dalalka sida Uganda, Kenya ama Itoobiya.
Soomaaliya oo Noqonaysa Goob dagaal Wakiil ka noqoneysa
- Soomaaliya ayaa isu beddeleysa goob dagaal wakil ka ah oo khilaafka GERD ku saleysan.
- Mas’uuliyiinta Itoobiya ayaa ku eedeeyay Soomaaliya inay la shaqeyneyso Masar si loo wiiqo xasilloonida gobolka.
- Ra’iisul Wasaare Abiy Axmed ayaa ku gooddiyay “aargoosi culus” haddii ciidamo shisheeye ay khatar ku noqdaan Itoobiya, halka Madaxweyne Sisi uu ballan qaaday inuu Soomaaliya ka difaaci doono gardarro kasta.
- Falanqeeyaasha ayaa ka digaya in Soomaaliya ay isu rogi karto goob dagaal oo toos ah haddii wadahadalada diblomaasiyadeed fashilmaan.
Saameynta Juquraafi Siyaasadeed
- Haddii ciidamo la geeyo, waxay muujin doonaan isbeddel weyn oo ah in Soomaaliya ay ka sii leexanayso saameynta Itoobiya loona jeesanayo xulafada ku wajahan Masar (Sudan, Jabuuti, Ereteriya).
