Muqdisho
Ugu yaraan lix qof ayaa ku dhaawacmay markii hoobiyayaal lagu weeraray laba xaafadood oo ku yaal caasimadda Muqdisho, saakay, sida ay xaqiijiyeen mas’uuliyiin amniga ah..
Ali Axmed, oo ka tirsan mas’uuliyiinta amniga degmada Shibis, ayaa la hadlay Anadolu isagoo sheegay in degmada Warta Nabada iyo Bondhere lala beegsaday weerarada Hoobiyayaasha, taasoo keentay in ugu yaraan lix qof ay ku dhaawacmaan. Laba ka mid ah dadka dhaawacma oo kala ah macallin dugsi iyo haweeney da’ ah la soo gaarsiiyay isbitaal iyadoo ay dhaawacyadoodu yihiin kuwo halis ah.
Muqdisho
Madaxweynaha Soomaaliya, Xasan Sheekh Maxamuud, ayaa shir-guddoomiyay kulan ay isugu yimaadeen hogaamiyeyaasha dowlad-goboleedyada Koofurgalbeed, Hirshabeelle, iyo Galmudug.
Sida lagu sheegay warsaxaadeed ka soo baxay Madaxtooyada Soomaaliya Kulanka ayaa horudhac u ah baaqii Madaxweynaha ee ku saabsan dadaallada lagu mideynayo shacabka Soomaaliyeed si loo laba-jibaaro hawlgallada ka dhanka ah kooxaha Al-Shabaab iyo Daacish.
Jigjiga
Dowlad Deegaanka Soomaalida (DDS) ayaa maanta si rasmi ah ku soo gabagabeeysay xirfadaha gacanta ee loogu talagalay dadka waaweyn, iyadoo 100 arday, oo isugu jiray rag iyo dumar, ay ka qalin-jabiyeen kuliyadda xirfadaha kala duwan ee magaalada Jigjiga.
Muqdisho
Taliyaha Ciidanka Xoogga Dalka Soomaaliyeed, Odawaa Yuusuf Raage, ayaa si cad u sheegay in dowladda Soomaaliya aysan oggolaan doonin in kooxaha Al-Shabaab ay isasoo dhiibaan. Taliyaha ayaa hadalkan ka jeediyay kulan uu la yeeshay ciidanka xoogga dalka, isaga oo ka hadlay xaaladda amni ee dalka iyo muhiimadda dagaalka lagula jiro kooxda Al-Shabaab.
Laascaanood
Wasiirka Caddaaladda iyo Dastuurka ee Maamulka SSC-Khaatumo, Cabdi Xasan Maxamed Xijaar, ayaa shalay shaaca ka qaaday in maamulka SSC-Khaatumo uu ku jiro diyaar garowga soo dhaweynta Ra’iisul Wasaaraha Soomaaliya, Xamse Cabdi Barre, oo la filayo inuu gaaro magaalada Laascaanood ee gobolka Sool.
Sanaag
Wasiirka Wasaaradda Diinta iyo Awqaafta Somaliland Cabdullaahi Daahir Jaamac ayaa ku dhawaaqay Salaad roobdoon ah, oo laga tukanayo dhamaan deegaannada iyo degmooyinka Somaliland.
Wasiirka oo ku sugan degmada Ceel-Afweyn ee gobolka Sanaag ayaa salaaddii Jimcaha ka dib sheegay in maalinta Axada ah taariikhduna ku beegan tahay 6 April, 2025 laga doonayo Bulshada ku nool degaannada Somaliland in ay u istaagaan Salaad Roobdoon ah.
Muqdisho
Madaxweynihii hore ee Soomaaliya Maxamed Cabdulaahi Farmaajo ayaa si adag u cambaareeyay xariga Guddoomiyaha Urur-siyaasadeedka Shacabka, Cabdiraxmaan Saleebaan Jaamac.
Farmaajo ayaa war qoraal ah oo uu soo saaray ku sheegay in xarigaas uu muujinayo nooca doorasho ee uu doonayo Madaxweyne Xasan Sheekh Maxamuud iyo hannaanka siyaasadeed ee uu qaatay.
Yemen
Kooxda Xuutiyiinta ayaa sheegtay inay ka hortageen laba weerar cirka ah oo Mareykanku qorsheeyay, kadib markii ay beegsadeen maraakiibta dagaalka Mareykanka ee ku sugan Badda Cas.
Afhayeenka militariga Xuutiyiinta, Yahya Saree, ayaa sheegay in ciidamada Xuutiyiinta ay u adeegsadeen gantaallo cruise iyo diyaarado aan duuliye lahayn si ay u beegsadaan markabka USS Harry S. Truman iyo maraakiib kale oo la socday.
