Hargeysa (Dawan)- Ergayga gaarka ah ee Wasaaradda Arrimaha Dibadda Norway u qaabilsan Soomaaliya, Einar Rystad ayaa maanta booqasho ku tegay magaalada Hargeysa isaga oo kulan la qaatay madaxweynaha jamhuuriyadda iskeed madaxbannaanida ugu dhawaaqday ee Somaliland Muuse Biixi Cabdi.
Qoraal kooban oo kasoo baxay Somaliland ayaa lagu yiri; ” Waxaana Kulanka lagaga wada hadlay arrimaha doorashooyinka, amniga Mandaqada Geeska Afrika iyo xidhiidhka labada dal ee Jamhuuriyadda Somaliland iyo Norway ka dhexeeya”
Einar Rystad, ayaa laba maalin ka hor Muqdisho kula kulmay madaxweyne Xasan Sheekh, isaga oo kala hadlay sii xoojinta xiriirka labada dal iyo sidii kor loogu qaadi lahaa iskaashiga dhinacyada muhiimka ah ee labada dal oo ay ka mid yihiin horumarka iyo amniga.
