Booliska oo Abaalmarin siinaya cidii Soo Sheegta Kooxaha Hoobiyeyaasha Tuuro

By Asha Elmi

MUQDISHO, Soomaaliya – Taliyaha Qeybta Guud ee Booliska Gobolka Benaadir, Macalin Mahdi, ayaa shaaciyey in la siin doono abaalmarin dhan $30,000 qofkii keena xog sugan oo horseeda in la qabto dadkii ka dambeeya tuurista hoobiyeyaasha lagu weeraro qaybo ka mid ah magaalada Muqdisho.

Taliye Mahdi oo hadalkan jeediyay 6-da Juun 2025, maalinta koowaad ee Ciidul-Adxaa, ayaa si toos ah ugu baaqay shacabka degan degmooyinka lagu bartilmaameedsaday weerarradaasi, isagoo ka codsaday inay si degdeg ah u soo sheegaan cid kasta oo ay arkaan iyadoo hoobiyeyaal tuuraysa ama ku hawlan diyaarinta weerarro.

“Qofkii keena xog sugan oo ku saabsan nimanka habeennadii saqda dhexe hoobiyaha tuura, waxaa la siin doonaa abaalmarin gaareysa $30,000.” ayuu yiri Taliye Mahdi.

Taliyaha ayaa sidoo kale xusay in xilliyada la dareemayo khatarta ugu badan ay yihiin inta u dhexeysa 8-da fiidnimo ilaa 9-ka habeenimo, taasoo ah waqtiyada ay kooxaha falalka argagixisanimo geystaan. Wuxuu dadweynaha kula dardaarmay inay ku ekaadaan guryahooda, gaar ahaan xilliyada dambe ee habeenkii, oo uu tilmaamay inay yihiin saacado uu cadowgu u adeegsado weerarrada. Taliyaha ayaa sidoo kale xusay in hay’adaha ammaanka ay feejigan yihiin oo ay la shaqeyn doonaan shacabka si loo xaqiijiyo nabadgelyada caasimadda.

Qaybaha

Qoraallo Cusub

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

Booliska oo Abaalmarin siinaya cidii Soo Sheegta Kooxaha Hoobiyeyaasha Tuuro

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

DDS oo xiraysa goobaha Caafimaad ee aan ruqsadda lahayn

Maqaallo La Xidhiidha

Madaxweynaha Somaliland oo Joojiyey Munaasabadda Xeer-Ciise

Madaxweyne Cirro Oo Amray In Ciidamada Laga Saaro Borama

Somaliland oo Dowladda Soomaaliya Ku Eedeysay Hurinta Rabshadaha Ka Socda Boorama.