Gobolka Benaadir oo daawooyin ku wareejiyey xildhibbaanda Hiiraan

Abukar Osman

MUQDISHO, Soomaaliya – Maamulka Gobolka Banaadir ayaa maanta ku wareejiyey xildhibaanada ka soo jeeda gobolka Hiiraan dawooyin loogu talagalay ciidamada Macawisleyda ee gobolka Hiiraan.

Daawooyinkaan ayuu agaasinka caafimaadka ee Gobolka Banaadir Cabdiraxmaan Axmed, sheegay inay yihiin 150 kartoon oo loogu tala galay ciidamada Macawisleyda ee dhaawacyada ay soo gaareen, kuwaas oo ku sugan goobaha dagaalka.

Munaasabadda wareejinta ayaa waxaa goob-joog ka ahaa Guddoomiyaha Gobolka Banaadir Xasan Maxamed Xuseen (Muungaab), xildhibaanada ka soo jeeda Hiiraan iyo marti kale.

Guddoomiyaha Muungaab ayaa sheegay in Maamulka Gobolka Banaadir uu ka go’an yahay taageerada ciidamada dowladda iyo kuwa deegaanka ee la dagaallamaya Al-Shabaab.

“Maamulka Gobolka Banadir wuxuu garab taagan yahay cid kasta ee argagixisada la dagaallameyso. meel kasta oo ka bilaawdo halgan midka ka socda Hiiraan oo kale, anagana waan garab taagannahay,”ayuu yiri guddoomiyaha. Muungaab ayaa tilmaamay in amniga caasimadda uu ku xiran yahay nabadgelyada gobollada dariska ah, isagoo ballan-qaaday in gargaarkan uu sii socon doono.

Qaybaha

Qoraallo Cusub

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

Gobolka Benaadir oo daawooyin ku wareejiyey xildhibbaanda Hiiraan

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

DDS oo xiraysa goobaha Caafimaad ee aan ruqsadda lahayn

Maqaallo La Xidhiidha

Madaxweynaha Somaliland oo Joojiyey Munaasabadda Xeer-Ciise

Madaxweyne Cirro Oo Amray In Ciidamada Laga Saaro Borama

Somaliland oo Dowladda Soomaaliya Ku Eedeysay Hurinta Rabshadaha Ka Socda Boorama.