Itoobiya oo Heshiis Nabadeed la gashay qeyb ka mid ah Dhaqdhaqaaqa Fano

Itoobiya, 5 Diseembar 2025 (Dawan) – Ururka Midowga Afrika ayaa soo dhaweeyay saxeexa heshiis nabadeed oo dhexmaray Dowladda Federaalka Itoobiya iyo Dhaqdhaqaaqa Fano (FANO-AFPO), taasoo noqonaysa tallaabo muhiim ah oo lagu joojinayo nabad-galyada ka dib sanado badan oo kacdoon iyo dagaal ah oo ka jiray Waqooyiga Itoobiya.

Labada dhinac ayaa ku heshiiyay qodobo ay ka mid yihiin dib-u-heshiisin iyo xalinta khifaadka, Amniga iyo Nabad galyada, iyo dib-u-heshiisiinta buldhada, Midowka Africa iyo IGAD ayaa taageerayay heshiiskaan.

Munaasabadda saxeexa waxay shalay ka dhacay caasimadda gobolka ee Bahir Dar, iyadoo ay goob joog ahaayeen Guddoomiye ku-xigeenka Ururka Midowga Afrika, Salma Malika Haddadi, Ku-xigeenka Xoghayaha Fulinta ee Hay’adda Iskaashiga Dowladaha Bariga Afrika (IGAD), Maxamed Cabdi Waare iyo Madaxweynaha Gobolka Amxaarada, Arega Kebede.

Haddadi ayaa bogaadisay labada dhinac ee heshiiskan, iyadoo tilmaantay in heshiiskan uu astaan u yahay horumar weyn oo aan kaliya ku saabsaneyn Itoobiya, balse sidoo kale uu muhiim u ah qaaradda Afrika oo dhan.

“Heshiis kasta oo nabadeed waa talaabo kale oo yoolkeena ku jihayneysa dhamaadka dagaalka Afrika.” Ayay tiri Salma Malika Haddadi

Ururka Midowga Afrika ayaa mar kale caddeeyay inay si buuxda u taageerayaan hirgelinta heshiiska iyo xoojinta dadaallada guud ee nabad dhisidda ee Itoobiya.

Madaxweynaha Gobolka Amxaarada, Arega Kebede, ayaa sheegay in heshiiskaan uu yahay tijaabo muhiima oo istaraatiijiyadda cusub ee dowladda Federaalka ay ku raadineyso heshiis nabadeed oo lala galo dagaalamayaasha ka dagaalama gobolada Amxaarada iyo Oromada.

“Heshiiskani wuxuu calaamad u yahay xilli muhiim ah oo loogu talagalay mustaqbalka gobolka,” ayuu yiri Madaxweynaha Kebede. “Waxa uu tijaabin doonaa waxtarka istaraatiijiyadda dowladda Federaalka ee lala heshiiyo faracyada dagaalka ee kala duwan.” Ayuu yiri Arega Kebede

Dhaqdhaqaaqa Fano oo aan lahayn hogaamiye dhexe wuxuu ka soo baxay bulshada Amxaarada kadib 2018, isagoo ahaa koox hubeysan oo aan rasmi ahayn oo u doodayay ilaalinta xuquuqda iyo danaha dadka Amxaarada. Fano ayaa door muuqda ka ciyaartay dagaalkii Tigray iyadoo garab istaagtay ciidamada dowladda Itoobiya, ka hor inta aysan xumaanin xiriirka kadib dowladda isku dayday inay hubka ka dhigto kooxda Fano, taasoo sababtay kacdoonno iyo iska horimaadyo ka dhacay Gobolka Amxaarada 2023

Bishii ugu dambeysay, qaybo ka mid ah kooxda Fano ayaa u wareegay wadahadal siyaasadeed, taasoo fududeysay heshiiska nabadeed ee hadda la gaaray, kaasoo la filayo inuu furo bog cusub oo xasillooni ah oo ku saabsan Gobolka Amxaarada.

Qaybaha

Qoraallo Cusub

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

Maxaa ka dhaxeeya Xeer Ciise iyo Khilaafka Awdal ee dhiigga ku daatay?

Itoobiya oo Heshiis Nabadeed la gashay qeyb ka mid ah Dhaqdhaqaaqa Fano

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

DDS oo xiraysa goobaha Caafimaad ee aan ruqsadda lahayn

Dowladda Soomaaliya oo furtay Buundada Sabiib-Caanole kadib dib-u-dhiska

Maqaallo La Xidhiidha

Madaxweynaha Somaliland oo Joojiyey Munaasabadda Xeer-Ciise

Soomaaliya oo ku boorrisay Somaliland inay wax ka qabato cabashooyinka dadka Boorama

Madaxweyne Cirro Oo Amray In Ciidamada Laga Saaro Borama