Puntland (30 September 2025) – Ciidanka ilaalinta canshuuraha Puntland ayaa sheegay inay qabteen labo doon oo si sharci darro ah uga kaluumeysanayay xeebaha gobolka Raas Caseyr, kadib howlgal ay ka fuliyeen badda.
Saraakiisha ciidanka ee howgalka hogaamineysay ayaa sheegay in doonyaha la qabtay ay kala ahaayeen mid ay leedahay Soomaali iyo mid ay wateen ajaanib ay ku sheegeen in ay yihiin balse aysan ku darin dalka ay asal ahaan ka soo jeedaan. Doonta Soomaaliga waxaa saarnaa sagaal qof, halka doonta kale ay saarnaayeen 14 qof oo ajaanib ah.
Dadkaan ayaa loo heystaa in aysan qaadanin shatiga sharciga ah ee u golaanaya in ay xeebaha Puntland ka kaluumeystaan.
“Dadka waxaa leenahay wax dhib ah malahan in sharciga la qaato, hatagaan meesha ugu dhaw ee ha qaataan, anaga waxa aan raadiheyno waxa waaye kuwa sharci darada ku kaluumeysahaayo” ayuu yiri Ciise Ahmed dubyar.
Cismaan Siciid Cismaan iyo Ciise Ahmed duby oo Howlgalkaan hogaaminayay ayaa eedeysanayaasha ku wareejiyay Maamulka Iyo saldhiga Ciidanka Booliska Degmadda Baargaal, iyada oo maamulka uu balan qaaday in si deg deg ah sharciga loo horgeyn doono.
Howlgalka ayaa ka mid ah dadaallada Puntland ku xaqiijinayso ilaalinta kheyraadka badda iyo la dagaallanka kaluumeysiga sharci darrada ah ee si joogto ah u saameeya xeebaha Soomaaliya.