Soomaaliya oo Helaysa Deyn Cafintii Ugu Dambeeysay ee Naadiga Paris Dhamaadka Sannadka

Soomaaliya, 1 Diseembar 2025 – Soomaaliya ayaa lagu wadaa inay dhamaadkii 2025 ku soo gabagabeyso heshiiska deynta cafinta ee Naadiga Paris, sida uu sheegay Wasiirka Maaliyadda, Biixi Iimaan Cige. Wasiirka ayaa sheegay in dalka uu heshiisyo la galay sagaal ka mid ah tobankii dal ee deynta ku lahaa naadigaan oo ay ka masaxeen, iyadoo Isbaanishka uu yahay dalka kaliya ee weli deynta ku leh ee ka tirsan Naadiga Paris.

Wasiir Biixi oo ka hadlay Miizaan Podcast oo lagu baahiyay Dawan TV sabtidii, ayaa sheegay in tan iyo markii la shaaciyay in Soomaaliya ay u qalanto deyn cafin dhammaadkii 2023, dalka uu hormar weyn ka sameeyay wadahadallada lala yeeshay dalalka xubnaha ka ah Naadiga Paris. "Sagaal ka mid ah tobanka dal horey ayay u cafiyeen deynta, taasoo keentay in boqolkiiba 100 deyntaas la tirtiray, buugaagtoodana laga saaray," ayuu yiri Biixi.

Si kastaba ha ahaatee, wasiirku wuxuu sheegay in Isbaanishka uu yahay wadanka kaliya ee harsan, sababo la xiriira arrimo dastuuriga ah oo ka hor istaagay in deynta si guud loo cafiyo hal mar. Waxa uu sheegay in wadahadallo ka dhacay ay ilaa hadda ku heshiiyeen in qeyb ka mid ah deynta la beddelo, si loo isticmaalo qayb ka mid ah lacagtaas oo loogu maalgashado mashaariicda horumarineed. "Qeyb weyn oo ka mid ah deynta ayaa la cafiyay, qeyb yar oo ka mid ah ayaa hadda rabaan in loo badalo habka deynta mashruucyo lagu maalgashado oo lacag ay naga qaadana u noqoto," ayuu yiri Wasiir Biixi.

Wasiir Biixi ayaa sidoo kale shaaciyay in guud ahaan deynta Soomaaliya ee gaareysay $5.3 bilyan, iyadoo ku dhawaad $3 bilyan oo ka mid ah deynta ay ku lahaayeen wadamada Naadiga Paris. Wuxuu xusay in Soomaaliya ay hadda gaartay 97% cafinta deyntas oo laga masaxay.

Qoraallo Cusub

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

Maxaa ka dhaxeeya Xeer Ciise iyo Khilaafka Awdal ee dhiigga ku daatay?

DDS oo xiraysa goobaha Caafimaad ee aan ruqsadda lahayn

Qaybaha

Soomaaliya oo Helaysa Deyn Cafintii Ugu Dambeeysay ee Naadiga Paris Dhamaadka Sannadka

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

DDS oo xiraysa goobaha Caafimaad ee aan ruqsadda lahayn

Dowladda Soomaaliya oo furtay Buundada Sabiib-Caanole kadib dib-u-dhiska

Madaxweynaha Somaliland oo Joojiyey Munaasabadda Xeer-Ciise

Maqaallo La Xidhiidha

Soomaaliya oo ku boorrisay Somaliland inay wax ka qabato cabashooyinka dadka Boorama

Madaxweyne Cirro Oo Amray In Ciidamada Laga Saaro Borama

Madaxweynaha Soomaaliya oo ka qaybgalaya Madasha Dooxa