Soomaaliya oo magacaawday la-Taliye cusub oo Amniga Qaranka ah

MUQDISHO (Dawan) – Madaxweynaha Soomaaliya Xasan Sheekh Maxamuud ayaa Arbacadii Danjire Awes Xaaji Yuusuf Axmed u magacaabay La-Taliyaha Amniga Qaranka, kaddib iscasilaaddii uu dhawaan sameeyay la-taliyihii hore, Xuseen Macallin Maxamuud.Qoraal lagu daabacay baraha rasmiga ah ee Villa Soomaaliya ayaa lagu sheegay:“Madaxweyne Xasan Sheekh Maxamuud wuxuu Danjire Awes Xaaji Yuusuf Axmed u magacaabay La-Taliyaha Cusub ee Amniga Qaranka.”Madaxweyne Xasan Sheekh ayaa sidoo kale u mahadceliyay Xuseen Macallin, isagoo ka ammaanay doorkii uu ka qaatay siyaasadda iyo isku-duwidda amniga qaranka muddadii uu xilka hayay.Danjire Awes waxa uu xilka la-taliyaha u imaanayaa isagoo leh khibrad diblomaasiyadeed, wuxuuna ahaa safiirka Soomaaliya ee Boqortooyada Sacuudiga intii u dhaxeysay 2023 ilaa 2025.Magacaabistiisa ayaa imaaneysa iyadoo dalka uu wajahayo caqabado amni oo isa soo taraya. Dowladda Federaalka ayaa haatan ku jirta howlgallo militari oo ka dhanka ah kooxda Al-Shabaab gaar ahaan bartamaha iyo Koonfurta dalka, halka kooxda ay gacanta ku dhigayso deegaanno ay horay loogala wareegay. Sidoo kale, isbeddelka ka socda beddelka howlgalka ATMIS oo lagu wareejinayo AUSSOM.