Nairobi (Dawan) – Premier Bank Kenya ayaa daahfurtay “Premier Tap,” oo ah adeegga lacag-bixinta la gashan karo ee ugu horreeya kenya, kaas oo u sahlaya macaamiisha inay lacag-bixino aan lala taaban toos uga sameeyaan akoonnadooda bangiga iyagoo adeegsanaya qalab la gashan karo oo ammaan ah oo casri ah.
Daahfurka ayaa ka dhacay Khamiista magaalada Nairobi, taas oo lagu tilmamay inay calaamad u tahay tallaabadii ugu horreysay ee weyn ee Kenya ka qaaddo tignoolajiyada maaliyadeed ee la gashan karo.
Adeegaan ayaa lagu isticmaalayaa agabyada la xirto, sida faraantiyada, jijimaha gacanta (wristbands), iyo kiisaska taleefoonka,, waxay isticmaalaan tignoolajiyada Isgaadhsiinta Goobta dhow (NFC) si ay uga baaraandegaan lacagaha ku haboon ee Barta Iibka (POS), ATM-yada, iyo iyo meelaha kale ee lacag-bixinta NFC ku shaqeeyaan. Taabasho fudud oo agabyada ah ayaa macaamiisha waxay si degdeg ah u dhamaystiri karaan wax kala iibsiga, si ammaan ah, iyo iyada oo aan loo baahnayn lacag caddaan ah ama kaararka.
Premier Bank ayaa markii ugu horreysay ku soo bandhigtay adeegaan gudaha Soomaaliya, halka daahfurka Kenya uu muujinayo ballaarinta bangigu ku sameynayo qaybta fintech ee Bariga Afrika.
Guddoomiyaha Premier Bank, Jibriil Maxamed, ayaa yiri: “Premier Tap waxay ka dhigan tahay mustaqbalka lacag-bixinta—degdeg, ammaan, oo sahlan. Iyadoo aan keenayno adeeggan noociisa ugu horreeya Kenya, waxaan awood siinaynaa macaamiisheenna inay si fudud oo ammaan ah u sameeyaan macaamil, ayna si buuxda u qaataan isbeddelka ku socda bulshada ee ka guurista lacagta caddaanka ah.”
Astaamaha Muhiimka ah ee Premier Tap:
- Amni Sare: Tignoolajiyada lacag-bixinta ayaa yaraynaysa khataraha, khayaanada iyo xatooyada aqoonsiga.
- Wax kala iibsi Degdeg ah: Lacag-bixinta ayaa ku dheceysa ilbiriqsiyo gudahood, taas oo u fududeyneysa wax kala iibsiga.
- Iswaafajin Caalami ah: Waxay ka shaqeysaa shabakadaha maaliyadeed ee waaweyn meel kasta oo NFC laga aqbalo.
- Aan La Taaban karin: Waxay meesha ka saareysaa taabashada tooska ah ee mashiinnada lacag-bixinta, taas oo taageerta macaamil nadiif ah oo badbaado leh.
Suuqa lacag-bixinta la gashan karo ayaa la filayaa inuu gaaro $80.39 bilyan caalamka marka la gaaro sanadka 2030, iyadoo in ka badan 1.1 bilyan oo qalab ah la saadaalinayo inay isticmaali doonaan 2024.
