Qodobada ugu waaweyn wararka dunida oo kooban waxaa ka mid ah:
Koofur-galbeed
Madaxweyne Cabdicasiis Xasan Maxamed Laftagareen ayaa si rasmi ah u saxiixay Sharciga Xuquuqda Naafada magaalada Baydhabo, tallaabo taariikhi ah oo loogu dabaaldegayo xuquuqda naafada ee gobolka. Sharcigan cusub ayaa ujeeddadiisu tahay in la dejiyo qaab-dhismeed dhammaystiran oo lagu ilaaliyo laguna xoojiyo dadka naafada ah.
Mozambique
Mozambique ayaa ka digtay in dalka uu saameyn karto Duufaanta Faida oo la filayo inay ku dhufato Arbacada. Faida ayaa ku soo beegmaysa labo bilood kadib markii Duufaanta Chido ay burburisay qaybo ka mid ah Koonfur Afrika,
Uganda
Uganda ayaa la filayaa inay bixiso warbixin ka dib markii dalkaasi uu xaqiijiyay seddex kiis oo ah fayraska Sudan ee Ebola, kaasoo ay sheegtay Hay’adda Caafimaadka Adduunka (WHO) in uu dilo ugu yaraan 40% dadka uu ku dhaco.
Hindiya
Malaayiin qofood ayaa codkooda dhiibanaya si ay u doortaan dowlad goboleed ee caasimadda Hindiya ee Delhi. Xisbiga awooda dhexe ee uu hoggaamiyo Ra’iisul Wasaaraha Narendra Modi ayaa ku jira tartan adag oo ay la galayaan xisbiga Aam Aadmi Party, kaas oo talada haya hadda Delhi. Natiijada ayaa la tirin doonaa Sabtida.
Hindiya
Diyaarad milateri ah oo siday 205 muhaajiriin Hindiya ah oo si sharci-darro ah ugu soo galay Maraykanka ayaa la filayaa inay gaarto Hindiya.
Mareykanka ayaa bilaabay celinta muhaajiriinta sharci darada ku soo galay ka dib dib u doorashadii madaxweyne Donald trump.
Sweden
Qiyaastii 10 qof ayaa lagu dilay iskuul ku yaalla magaalada Orebro ee Sweden. Booliiska ayaa sheegay inay bilaabeen baaritaan ku saabsan dhacdada. Waxyaabaha cusub ee soo kordha ayaa la socon doona.
