Friday, July 19, 2024

Agaasimaha Sirdoonka Turkiga oo booqasho kedis ah ku yimid Muqdisho

Muqdisho (Dawan)- Agaasimaha Hay’adda Sirdoonka Qaranka Turkiga Ibraahim Kaalin, ayaa maanta oo Talaado ah soo gaaray Magaalada Caasimadda ah ee Muqdisho, iyadoo la filayo in uu kulan la qaato dhiggiisa Somaliya, Cabdullaahi Maxamed Cali “Sanbaloolshe” .

Labada Agaasime ayaa lagu wadaa in ay ka wada hadlaan danaha labada dal, gaar ahaan la dagaalanka argagixisada, iyada dowladda Turkiga ay ka mid tahay dowladaha ka taageera Soomaaliya dhinacyo muhiim ah oo ay ugu horeyso arrmaha ammaanka.

Dhowaan waxaa Dekedda caalamiga ah ee magaalada Muqdisho soo gaaray Markabkab dagaal oo laga leeyahay dalka Turkiga, kaas oo qeyb ka ah dhaqan gelinta heshiiskii ay labada dal ku kala saxiixdeen ee ku saabsanaa ilaalinta xeebaha Soomaaliya, sida ay sheegtay dowladda Soomaaliya.

Dowladaha Soomaaliya iyo Turkiga ayaa kala saxiixday horraantii bishii February heshiis dhanka difaaca ah oo ay dowladda Turkidu ku ilaalineyso badda Soomaaliya muddo tobon sano ah.

Heshiiskan ayaa dhacay hal kadib markii Itoobiya ay heshiis dhanka badda ah la gashay Somaliland, kaas oo suurta gelinya in ay hesho 20km oo xeebaha Soomaaliya ah.

Soomaaliya iyo Turkiga ayaa sidoo kale bishii March kala saxiixday heshiis shidaal baaris iyo qodis ah oo laga sameynayo barriga iyo xeebaha Soomaaliya.

Xiriirka Soomaaliya iyo Turkiga ayaa xoogeystay tan iyo markii uu Erdogan booqasho ku yimid Muqdisho sannadkii 2011-ka, isaga oo ahaa xilligaas Ra’iisul Wasaare.

Turkiga ayaa Soomaaliya ka taageera dhinacyada Dhaqaalaha, Waxbarashada, Amniga, Tababarada iyo qalabeynta Ciidanka.

Share this article

Recent posts

LEAVE A REPLY

Please enter your comment!
Please enter your name here