Jigjiga – Dowlad Deegaanka Soomaalida (DDS) ayaa maanta si rasmi ah ku soo gabagabeeysay xirfadaha gacanta ee loogu talagalay dadka waaweyn, iyadoo 100 arday, oo isugu jiray rag iyo dumar, ay ka qalin-jabiyeen kuliyadda xirfadaha kala duwan ee magaalada Jigjiga.
Munaasabadda qalin-jabinta ayaa waxaa ka soo qaybgalay masuuliyiin ka tirsan Xafiiska Waxbarashada Deegaanka Soomaalida, oo ay ku jirto Wasiirka Xafiiska Waxbarashada, Maxamed Sheekh Qaadiin, Wasiirka Xafiiska Xirfadaha iyo Shaqo Abuurka Deegaanka, Xuseen Geed, iyo masuuliyiin kale oo ka socday hay’adaha dowladda.
Ardayda qalin-jabiyay ayaa bartay xirfado kala duwan sida cunto karinta, qurxinta dumarka, dayactirka moobeelada, iyo tolista dharka. Barashada xirfadahaasi ayaa socotay muddo 45 cisho ah, iyadoo markii ay dhammeeyeen, tayadooda waxbarasho lagu xaqiijiyey.
Masuuliyiinta ka soo qeeygashay ayaa ka hadlay muhiimada barashada xirfadaha gacanta, iyadoo ardayda kula dardaarmay in xirfadaha ay barteen ay noqdaan kuwo ka dhaliya natiijooyin wanaagsan, isla markaana ka caawiya horumarinta shaqadooda iyo noloshooda.
Yuusuf Carab, Agaasimaha Waaxda Waxbarashada Dadka Waaweyn iyo Waxbarashada Dadban ee Xafiiska Waxbarashada DDS, ayaa ka hadlay munaasabadda, isagoo u sheegay in ay rajeenayana inay intaanka sii badiyana tabarrada nuucana ah.
“Waxaan rajeeneynaa in fursaddaan ana balaarinno, sanadkana waxa no shirsheesan in meelaha kale ay ka jirto kulliyadaan aan ku balaarinno, sida fiiq, dhagax buur, Filitu, xandhagaalle aan sidana kale ka dhigno inya xidfadajhau bartaan” ayuu yiri Yuusuf Carab.
Munaasabaddan ayaa ah mid ka mid ah dadaallada maamulka DDS ee lagu xoojinayo barashada xirfadaha gacanta iyo shaqo abuurka bulshada, iyadoo ardaydii qalin jebisay ay tahay dufcadkii ugu horeysay ee xirfadahaasi loo qabto.
 ayaa maanta ku soo gabagabeysay xirfadaha gacanta ee loogu talagalay dadka waaweyn, iyadoo 100 arday oo isugu jiray rag iyo dumar ay ka qalin-jabiyeen kuliyadda xirfadaha magaalada Jigjiga.){kind=link}