Jigjiga (Dawan)– Kulan lagu dardargelinayo Mashruuc lagu dhisayo jidka xawaaraha sare ee isku xiraya Maa’iso iyo Dire Dawa, kaas oo ku kacaya 62.5 bilyan oo Birr una dhiganta qiyaastii $402,317,348 milyan oo doollar, ayaa ka dhacay magaalada Jigjiga.
Kulanka ayaa waxaa ka qeyb galay Madaxweyne Ku-xigeenka Dowlad Deegaanka Soomaalida ee, Ibraahim Cusmaan Faarax, Wasiirka Waraabka Itoobiya Abraham Belay, mas’uuliyiin ka socda shirkadaha dhismaha iyo madax kale oo heer deegaan ah. Wadahadallada ayaa diiradda lagu saaray sidii loo dardar gelin lahaa hirgelinta mashruuca iyo in shaqada lagu dhammeeyo waqtiga loogu talagalay.
Mas’uuliyiinta kulanka ka hadlay ayaa carrabka ku adkeeyay muhiimadda uu jidkani u leeyahay horumarinta gaadiidka iyo kobcinta dhaqaalaha, iyagoo xusay in dhameystirkiisu uu fududeyn doono isu-socodka dadka iyo badeecadaha.
