Maxay tahay ujeedada booqashada Taliyaha Ciidanka Gaarka ah ee Turkiga ee Muqdisho?

Muqdisho – 7 Janaayo 2026 (Dawan)- Wafdi ballaaran oo ka socday dowladda Turkiga, oo uu hoggaaminayay Taliyaha Ciidanka Gaarka ah ee Turkiga, Ünsal Hayal, ayaa shalay soo gaaray magaalada Muqdisho, iyagoo oo u ymid howlo shaqo oo diiradda lagu saarayo xoojinta iskaashiga amniga ee labada dal.

Wafdiga, waxaa ka mid ah Taliyaha Arrimaha Dibadda, Gökhan Demirtola, iyo Taliye Ku-xigeenka Arrimaha Dibadda, Turgay Olgun.

Masuuliyiinta Turkiga waxaa si rasmi ah garoonka Muqdisho ugu soo dhaweeyay saraakiil ka tirsan Taliska Ciidanka Booliiska Soomaaliyeed, waxaana la qorsheeyay in wafdigu kulammo la yeeshaan mas’uuliyiinta sare ee dowladda Soomaaliya.

Ciidanka gaarka ah ee Turkiga, oo loo yaqaano Özel Harekât, ayaa ah qeybta qaaska ee ka hortagta argagixisada iyo howlgalada halista ah ee Booliiska Qaranka Turkiga. Waxaa la aasaasay 1990-kii, waxaana ay ka qeyb qaataan hawlgallada badbaadinta, qabashada dadka khatarta ah, iyo la dagaallanka kooxaha argagixisada, iyadoo sidoo kale si dhow ula shaqeeya ciidamada milatariga ee Turkiga.

Özel Harekât ayaa muddo dheer ka hawlgelayay gudaha Turkiga iyo dalalka deriska ah sida Ciraaq iyo Suuriya, waxaana ay muhiimad gaar ah u leeyihiin sugidda amniga gudaha iyo dibedda. Socdaalkan ayaa xoojinaya wadashaqeynta amni ee Turkiga iyo Soomaaliya, iyada oo la qorsheynayo in mustaqbalka la ballaariyo iskaashiga ciidamada iyo tababarada.

Qoraallo Cusub

In ka badan laba sano kaddib..Muungaab oo mar labaad dhagax-dhigay waddada Jamhuuriya

Soomaaliya oo iska fogeysay eedeymaha la xiriira lunsashada kaalmo bini aadanimo

Soomaaliya oo baaraysa in hawadeeda loo adeegsaday baxsashada hoggaamiyihii Koonfurta Yemen

Qaybaha

Maxay tahay ujeedada booqashada Taliyaha Ciidanka Gaarka ah ee Turkiga ee Muqdisho?

In ka badan laba sano kaddib..Muungaab oo mar labaad dhagax-dhigay waddada Jamhuuriya

Soomaaliya oo iska fogeysay eedeymaha la xiriira lunsashada kaalmo bini aadanimo

Soomaaliya oo baaraysa in hawadeeda loo adeegsaday baxsashada hoggaamiyihii Koonfurta Yemen

Dowlad Deegaanka Soomaalida oo daah-furay mashruuc biyo ah oo ku kacay $1.3 milyan

Maqaallo La Xidhiidha

Soomaaliya oo diyaarineysa shaqaalaha soo saaraya kheyraadka dabiiciga ah

Maraykanka oo ka baxaya 66 urur oo aan la jaanqaadeynin danihiisa qaran

Soomaaliya oo $50,000 ku maalgelineysa wax-soo-saarka beeraha iyo hal-abuurka