Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre, ayaa si rasmi ah u magacaabay Guddiga Qaran ee Taakuleynta Dagaalka lagula jiro kooxaha Al-Shabaab iyo Daacish, kuwaas oo ka howlgala meelo badan oo dalka ah.
Guddigan cusub ayaa lagu wado inay xoojiso taageerada ciidamada Qalabka Sida waxaana hoggaaminaya Ra’iisul Wasaare Ku-xigeenka Labaad ee Xukuumadda Federaalka, Cabdisalaan Cabdi Cali.
Xubnaha guddigan ayaa ah 7 xubnood kuwaas oo kala ah:
Magacaabista guddigan ayaa imaaneysa iyadoo Ra’iisul Wasaaraha Soomaaliya, Xamsa Cabdi Barre, uu 23-kii Maarso ee lasoo dhaafay sheegay in xukuumaddiisu ay si buuxda ugu wareegi doonto furimaha hore ee dagaalka si ay ula jaanqaado dagaalka ka dhanka ah kooxda AS.
Dagaalka u dhexeeya Dowladda Federaalka Soomaaliya iyo kooxda Al-Shabaab ayaa tan iyo bishii lasoo dhaafay xoogeystay, iyadoo dowladda ay sheegtay inay kordhin doonto weerarrada cirka iyo dhulka ah ee ay ku beegsaneyso kooxda. Dhanka kale, kooxda Al-Shabaab ayaa sidoo kale kordhisay weerarrada ay ku hayso goobaha dowladda ku sugantahay ee shabellooyinka.