Ankara, Türkiye – 10 Abriil, 2025:
Soomaaliya oo markaanna isku dayeysa in ay dhulka ka soo saarto shidaal ka dib isku daykii shidaalka badda ee ay heshiiska kula saxiixatay Turkiga.
Wasiirka Tamarta iyo Khayraadka Dabiiciga ah ee Türkiye, Alparslan Bayraktar, ayaa ku dhawaaqay in Turkish Petroleum Corporation (TPAO) ay bilaabi doonto sahamin shidaal iyo gaas ah oo ka dhici doona saddex aag oo muhiim ah oo dhulka Soomaaliya ah bilaha soo socda.
Heshiiskan istiraatiijiga ah oo ay kala saxiixdeen TPAO iyo Wasaaradda Batroolka Soomaaliya (SPA) ayaa lagu saxiixay caasimadda Türkiye ee Ankara, waxaana uu dhigaya in sahamin iyo soo-saar hydrocarbon ah laga sameeyo dhul cabirkiisu yahay ku dhawaad 16,000 kiiloomitir oo laba jibbaaran.
Bayraktar ayaa sheegay in wejiga koowaad ee mashruuca uu ka koobnaan doono sahamin sismik ah oo labo iyo saddex-dhinac leh, taas oo haddii ay miro dhal noqoto, keeni doonta in hawlaha qodista si rasmi ah loo bilaabo.
Dhanka badda, markab sahamin ah oo Türkiga leeyahay, Oruc Reis, ayaa haatan ku guda jira sahamin saddex-cabbir ah oo ka socota xeebaha Soomaaliya, taasoo qeyb ka ah heshiis hore. Wasiirku wuxuu sheegay in 78% shaqadaas la dhammeystiray, iyadoo la filayo in dhammaan daraasadaha badda la soo afjaro dhammaadka bisha May.
Bayraktar wuxuu sidoo kale shaaciyay in magaalada Istanbul martigelin doonto Shirweynaha Caalamiga ah ee Khayraadka Dabiiciga ah 2-da May, kaasoo ay ka qeyb geli doonaan wasiirro iyo shirkado caalami ah si loo xoojiyo iskaashiga dhinacyada batroolka, gaaska iyo macdanta.