Soomaaliya, Febraayo 28, 2026 (Dawan)– Ra’iisul Wasaare ku-xigeenka Soomaaliya, Saalax Axmed Jaamac, iyo Wasiiru-dowlaha UK ee Horumarinta Caalamiga ah iyo Arrimaha Afrika, Baroness Chapman, ayaa Jimcihii si wadajir ah u guddoomiyay shir fogaan-arag ah oo heerkiisu sarreeyo, kaas oo looga gol lahaa abaabulka maalgelin caalami ah, iyadoo Soomaaliya ay wajaheyso xaalad cunno-yari oo sii baahaysa.
Kulankan degdegga ah ayaa imaanaya iyadoo Hay’adda Maareynta Musiibooyinka Soomaaliyeed (SoDMA) ay ka digeyso in ku dhowaad 6.5 milyan oo qof ay la ildaran yihiin cunno-yari baahsan. Mas’uuliyiintu waxay sheegeen in in ka badan 2 milyan oo qof ay halis ugu jiraan nafaqo-xumo sii kordheysa, taas oo ay sababeen abaaro daba dheeraaday oo ba’an.
Guddoomiyaha SoDMA, Mahamuud Macallin Cabdulle, ayaa sheegay in xaaladda bini’aadantinimo ay u baahan tahay jawaab degdeg ah oo ballaaran, isagoo ergooyinka uga warbixiyay saameynta abaartu ku yeelatay dadka reer miyiga ah iyo barakacayaasha.
