Monday, July 15, 2024

Xamsa oo ka qayb gelaya shir-madaxeedka Koonfur Kuuriya iyo Afrika

Muqdisho (Dawan)- Ra’iisul Wasaaraha Soomaaliya, Xamsa Cabdi Barre iyo wafdi uu hoggaaminayo ayaa maanta u ambabaxay dalka Koonfurta Kuuriya, iyaga oo ka qayb geli doona shir madaxeedka Jamhuuriyadda Koonfur Kuuriya iyo Afrika, oo magaalada Seoul ka dhici doona 4– 5 bishan June.

Magaalada Seoul ayaa martigelin doontaa shirkii ugu horreeyay ee Jamhuuriyadda Koonfur Kuuriya iyo Afrika iyada oo ujeedadu tahay kor u qaadista iskaashiga iyo isdhexgalka qaaradda Afrika iyo Kuuriyada Koonfureed.

Sida uu sheegay Af-hayeenka xukuumadda Soomaaliya, Farxaan Maxamed Jimcaale, shirka waxaa lagu eegi doona sidii labada dhinac ay iskaashi uga yeelan lahaayen dhinacyada kaabayaasha dhaqaalaha, hormarinta ganacsiga, kobcinta dhinacyada farsamada iyo tiknoolijiyadda.

Farxaan waxa uu intaas ku daray in shirka sidoo kale diiradda lagu saari doono dhibaatooyinka dunida soo wajahaya sida saameynta isbedelka cimilada, cunna yarida iyo dhibaatooyinka dhanka caafimaadka iyo tamarta.

Ra’iisul Wasaare Xamse ayaa lagu wadaa inuu khudbad ka jeediyo shirka isaga oo ka hadli doona horumarka ay dowladda Soomaaliya ka sameyasay dhinacyada amniga, horumarimta dhanka dhaqaalaha iyo arrimaha bulshada, isaga oo kulamo gaar gaar ah la qaadan doona madaxda kasoo qayb geleysa shirka.

Share this article

Recent posts

LEAVE A REPLY

Please enter your comment!
Please enter your name here