Gaza (Dawan)- Dagaalka Israel iyo Kooxaha iskacaabita Falastiiniyiinta aaya galay maalintii tobanaad, waxayna Mas’uuliyiinta Israel ku hanjabeen in ay sii wadi doonaan duqeynta inta ay ka cirib tirayaan Kooxda Xamaas.
- Diyaaradaha dagaalka ee Israa’iil ayaa duqeymo ballaaran ka geysanayaan goobo kala duwan oo ka tirsan marinka Gaza, waxeyna dhulka la simeen xaafado deegaan ahaa.
- Qaramada Midoobay waxay caddeysay in Israel ay duqeymo ku burburisay in ka badan 1300 dhismo kuwaas oo ku yaal marinka Gaza.
- Israel waxey duqeysay goobaha waxbarashada, caafimaadka, cibaadada, ganacsiga iyo guryo deegaan ah, sida ay baahiyiin warbaahinta gudaha Falastiin iyo kuwa caalamiga ah.
- Duqeymaha Israel waxaa ka dhashay dhimashada ku dhawaad 2750 oo Falastiiniyiin ah, kuwaas oo ay ku jiraan in ka badan 700 oo carruur ah, halka ay ku dhaawacmeen in ka badan 9042.
- Israel waxey duqeyn ku dishay in ka badan 10 qof oo ka mid ah shaqaalaha hay’adaha Qaramada Midoobay iyo weriyaal
- Kooxda Xamaas ayaa sheegtay in aysan wada hadal geli doonin inta ay socoto duqeynta Israel
- Kooxda Xisbullaahi ee fadhigeedu yahay Lubnaan ayaa gantaalo la beegsatay goobo ka tirsan Israel
- Qaramada Midoobay waxey sheegtay in dad ka badan 600 , oo kun ay ku barakaceen duqeymaha is daba jooga ah ee ay Israel ka wado Gaza.
- Kooxda Xamaas ayaa sii deysay haweeney iyo carruurteeda, sida ay baahisay Al-Jazeera
- Israel waxey dadkeeda ugu baaqday in ay kasoo baxaan deegaanada u dhaw Marinka Gaza, waxeyna ogeysiisay in dagaalku sii socon doono isbuucyo.
- Xukuumadda Israel ayaa u yeertay in ka baan 300,000 oo ka rirsan ciidanka kaydka ah.
- Muxaafadka iyo Mucaaradka Israel ayaa ku heshiiyay in ay dhisaan xukuumad wada jir ah oo dagaalka maareysa.
- Wasiirka Difaaca Israel ayaa sheegay in Gaza laga jaray Korontada iyo biyaha.
- Ciidanka Israel ayaa ku amray dadka deggan magaalada Gaza inay ka baxaan magaalada
- Waxaa duulimaadyadoodi ay ku tegi jireen Israel joojiyay qaar ka mid diayaradaha caalamiga ah .
- Mareykanka iyo Midowga Yurub ayaa caddeeyay in ay garab taaganyihiin Israel, waxeyna weerarka Xamaas ku tilmaameen mid argagixiso.
- Xogahayaha arrimaha dibadda ee Mareykanka ayaa booqasho ku tegaya Israel, markii labaad inta uu dagaal socdo si uu garab istaag ugu muujiyo.
- Iran waxay ku habjabtay in dagaalku sii ballaaran doono haddii aysan Israel joojin duqeynta dadka rayidka ah.
- Midowga Africa oo bayaan ka soo saaray dagaalka ayaa sheegay in dhibaatda jirta looga bixi karo in la helo dowalad Faslastiin ah oo madax bannaan si shacabka Falastiin u helo xuquuqdiisa asaasiga ah.
- Qatar waxey mas’uuliyadda dusha uga tuurtay Israel, iyada oo ku eedeysay in ay iska dhega tirtay baaqyadii caalamka iyo fulinta heshiisyadii hore loo galay, sida laga soo xigata wasaaradda arrimaha dibadda.
- Qaar ka mid dowladaha Caalamka oo arrintaan dhaxdhaxaad ka ah ayaa ugu baaqay labada dhinac in ay si dedg-deg ah u joojiyaan dagaalka si looga fogaado khasaare dheeraad ah.
- Dalal badan oo Yurub ah ayaa muwaadiniintooda kala soo baxay Israel.
