Baarlamaanka Soomaaliya oo berri ka shiraya aqoonsiga Israa’iil ee Somaliland

Muqdisho (Dawan) – Baarlamaanka Soomaaliya ayaa berri yeelanaya kulan degdeg ah oo looga hadlayo go’aanka Israa’iil ee aqoonsiga Somaliland, iyada oo Madaxweynaha Jamhuuriyadda Federaalka Soomaaliya Xasan Sheekh Maxamuud uu khudbad ka jeedin doono.

Khudbadda Madaxweynaha ayaa diiradda saari doonta saameynta siyaasadeed iyo diblomaasiyadeed ee arrintan ku leedahay dalka, iyo sida loo ilaaliyo madaxbannaanida iyo midnimada dhuleed ee Soomaaliya.

Ilo ku dhow Madaxtooyada ayaa xaqiijiyey in kulankan uu muhiim u yahay Baarlamaanka, si loo ansixiyo tallaabooyin sharci iyo diblomaasiyadeed oo looga hortago aqoonsiga Somaliland, isla markaana loo raadsado taageero caalami ah oo lagu difaaco midnimada iyo madax-bannaanida dalka.

Kulankan ayaa imanaya xilli ay jiraan doodo siyaasadeed iyo diblomaasiyadeed oo gudaha iyo caalamka ka taagan arrinta Somaliland, iyadoo la filayo in tallaabooyin degdeg ah laga qaado dhinacyada sharciga, diblomaasiyadda, iyo xiriirka caalamiga ah