Booliska Jabuuti oo fuliyay hawlgallo looga hortegayo dambiyada

Jabuuti, 5 Maarso 2026 (Dawan)– Ciidanka Booliska Qaranka Jabuuti ayaa fuliyay 39 hawlgal oo lagula dagaallamayo dambiyada, ka dib markii laga helay warbixino dadweynaha, sida lagu sheegay bayaan uu Boliisku soo saaray maalintii Arbacada.

Hawlgalladan ayaa la bilaabay ka dib helitaanka 39 digniinood oo laga soo diray barta WhatsApp ee loogu talagalay wada-shaqaynta. Boolisku waxay sheegeen in iskaashiga muwaadiniintu uu door muhiim ah ka ciyaaray guulaha laga gaaray hawlgalladaas.

Hawlgalladan oo ka socda guud ahaan dalka ayaa qayb ka ah dadaallada lagu xoojinayo joogitaanka ciidanka amniga. Ciidanku waxay sidoo kale bayaan ku sheegeen in mid ka mid ah xubnahooda lagu dilay isagoo gudanaya waajibaadkiisa shaqo.

Masuuliyiintu waxay caddeeyeen in ololaha ka dhanka ah dambiyada uu sii socon doono guud ahaan dalka, iyada oo la tixgelinayo ku tiirsanaanta sii kordhaysa ee baraha bulshada iyo fariimaha degdega ah si shacabka looga qayb-geliyo soo sheegida falalka dambiyada.