Bulshada Maasai ee Kenya oo xustay Maalinta Dadka Asalka ah.

Narok(Dawan) – Bulshada Maasai ee degmada Narok, Kenya ayaa Jimcihii xustay Maalinta Caalamiga ah ee Dadka Asalka ah ee Adduunka oo ku beegan 9-ka Agoosto, iyagoo soo bandhigay qaab nololeedkooda reer-guuraaga ah iyo hiddaha dhaqameed ee bulshada degmadaas oo soo jiray qarniyo badan.

Bulshada Maasai, oo loo aqoonsan yahay inay ka mid tahay bulshooyinka ugu faca weyn uguna sumcadda badan Bariga Afrika, ayaa leh qaab nololeed reer-guuraaga ah iyo dhaqan gaar ah oo ka sooca bulshooyinka kale ee gobolka. Aqoonsigooda dhaqan ayaa weli xooggan inkasta oo ay jiraan cadaadisyada casriga iyo isbeddellada dhaqaale-bulsho ee soo kordhaya.

Dadka asalka ahi waa kooxo dad ah oo ku dhashay deegaan gaar ah, isla markaana ku noolaa kumannaan sano ka hor gumeysiga ama sameynta xuduudaha dawladaha casriga ah ee hadda jira aysan ku qasbin inay deegaan badalmaan.

Dadka Asalka ah ee caanka ah ee dunida waxaa ka mid ah Maasai ee Kenya iyo Tanzania dega, San (Bushmen) oo dega Koonfurta Afrika, Berbers (Amazigh) iyo Tuareg oo dega Waqooyiga Afrika.Sida ay sheegtay xogta ugu dambeysay ee Qaramada Midoobay, in ka badan 476 milyan oo qof oo asalkoodu yahay dad-dhuleed ayaa ku nool in ka badan 90 waddan, taas oo matalaysa ku dhawaad 6% dadka dunida iyo in ka badan 5,000 oo dhaqan kala duwan. Waxay ku hadlaan inta badan ee luqadaha lagu qiyaaso 7,000 ee dunida.

Sanadkaan, Maalinta Caalamiga ah waxaa lagu xusayaa halku-dhegga “AI: Difaacidda Xuquuqda, Hagidda Mustaqbalka”, iyadoo diiradda la saarayo fursadaha iyo halista ay sirdoonka macmalka ahi (AI) u leedahay bulshada asalka ah. Qaramada Midoobay waxay ka digtay in haddii aan la helin ilaalin ku filan, AI ay dhaawici karto xuquuqda dadka asalka ah iyadoo loo marayo helitaan aan caddaalad ahayn, waxyeello deegaan, iyo sii xoojinta caddaalad-darradii gumeysiga ee taariikhiga ah.

Qaybaha

Qoraallo Cusub

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

Bulshada Maasai ee Kenya oo xustay Maalinta Dadka Asalka ah.

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

DDS oo xiraysa goobaha Caafimaad ee aan ruqsadda lahayn

Maqaallo La Xidhiidha

Madaxweynaha Somaliland oo Joojiyey Munaasabadda Xeer-Ciise

Madaxweyne Cirro Oo Amray In Ciidamada Laga Saaro Borama

Somaliland oo Dowladda Soomaaliya Ku Eedeysay Hurinta Rabshadaha Ka Socda Boorama.