(Kismaayo, (Dawan ) – Ciidamada ammaanka ee Jubbaland oo kaashanaya kuwa Xoogga Dalka Soomaaliyeed gaar ahaan guutada Danab ayaa howlgal ballaaran ka sameeyay qeybo ka mid ah gobolka Jubbada Hoose, iyadoo bartilmaameedku ahaa deegaano lagu tuhmayo in ay ku dhuumaaleysanayeen dagaalamayaal ka tirsan Al-Shabaab.
War-saxaafadeed kasoo baxay maamulka Jubbaland ayaa Sabtidii lagu sheegay in howlgalkaasi uu ka dhacay tuulooyinka Orgiyow, Barjala, iyo Caglibaax. Mas’uuliyiintu waxay sheegeen in deegaannadaasi ay ahaayeen goobaha lagu tuhunsanaa in xubno ka tirsan kooxda hubeysan ay ku urursanayeen.
Intii uu socday howlgalka, ciidamada ayaa burburiyay dhismayaal la tuhunsan yahay in laga adeegsan jiray ujeeddooyin militari, waxayna sidoo kale heleen walxo qarxa (IED) oo lagu aasay meelaha ay dadka rayidka ahi ku nool yihiin. Hal qof ayaa la xiray iyadoo lagu eedeeyay in uu horay uga qeyb qaatay falal hubeysan.
"Joogitaanka walxaha qarxa waxay khatar weyn ku ahaayeen shacabka deegaanka," ayuu yiri sarkaal ka tirsan ammaanka Jubbaland, balse faahfaahin dheeraad ah lagama bixin.
Ma jiraan ilo madaxbannaan oo si madax bannaan u xaqiijiyay sheegashada maamulka Jubbaland, sidoo kalena dowladda federaalka ayaan ka hadlin howlgalkaas.
